රුපියල් බිලියන 75 -100 අතර මුදල් ප්රමාණයක් සදහා වැඩකරන ජනතාවගේ සේවක අර්ථ සාධක අරමුදලට සහ සේවක භාරකාර අරමුදලට බදු අයකරගැනීමේ ක්රියාවලියට අණ්ඩුව පැමිණියහොත් ඊට එරෙහිව දැවැන්ත විරෝධතාවයක් ගොඩනගන බව පාර්ලිමේන්තු මන්ත්රී පාඨලී චම්පික රණවක පවසයි.
“ආණ්ඩුව උත්සාහ කරන්නේ වැඩ කරන ජනතාවගේ අර්ථසාධක වැනි ඉතුරුම් වලින් තවත් ධනයක් කොල්ලකාගන්නයි. දැනට EPF, ETF අරමුදල මහ බැංකුව විසින් පාලනය වෙමින් තියෙන්නේ. මහ බැංකුව සතුව පාලනය නොවෙන තවත් ආයතන ගණනාවක EPF, ETF අරමුදල්, විශ්රාම වැටුප් අරමුදල් තියෙනවා, මේවායේ අතිවිශාල ධනස්කන්ධයක් තියෙනවා. මේ ධනස්කන්ධය තමයි සාමාන්යයෙන් භාවිතා කළේ දිගටම අඩු පොලී අනුපාතයන් පවත්වාගෙන යන්න.
ඒ නිසා මේ රටේ වැඩකරන ජනතාව විසිහය ලක්ෂයකට පමණ තමන්ට ලැබිය යුතු EPF, ETF ප්රතිලාභ ලැබුණේ නැහැ. දැන් ඒකේ ලාභයෙනුත් මෙහෙම බද්දක් ගහන්න යනවා කියන්නේ, මේක සම්පූර්ණ වැඩ කරන ජනතාවට ලැබෙන්න තියෙන ධනය කොල්ලකෑමක්. මේ බද්ද මගින් සාමාන්යයෙන් රු. බිලියන 75-100 අතර ප්රමාණයක් එකතු කරගැනීමට ආණ්ඩුව උත්සාහ ගන්නවා. ”
“අපි අනිවාර්යයෙන්ම පාර්ලිමේන්තුවේ මේකට විරුද්ධ වෙනවා. නමුත් ඕනදේකට අත උස්සන කට්ටියකුත් ඉන්නවා. අපි විශ්වාස කරනවා මේ රටේ වැඩ කරන ජනතාව තමන්ගේ අයිතිය වෙනුවෙන් නැගී සිටියි කියලා.“
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
