වෘත්තීය සමිති ලෙස වාරණයක් පිළිබඳව තමන්ට කිසිදු දැනුම් දීමක් සිදුකර නැතැයි රවී කුමුදේශ් පවසයි.
“අපිට එහෙම නීයෝගයක් ලැබුණොත් නීතිඥ උපදෙස්මත කටයුතු කරනවා… මේ වෙනකොට තත්වය වෙනස් කිරීම සඳහා නීත්යානුකූල දැනුම් දීමක් සිදුවෙලා නෑ.“
ඔහු මාධ්යයට පැවසුවේය.
කෙසේ වෙතත් ලබන 24 වනදා දක්වා බලපැවැත්වෙන පරිදි වර්ජන ක්රියාමාර්ගය වහාම අත්හිටුවන්නැයි රජයේ හෙද නිලධාරීන්ගේ සංගමයට හා එහි සභාපති සමන් රත්නප්රියට එරෙහිව කොළඹ දිසා අධිකරණය එම වාරණ නියෝගය ඊයේ (10) පස්වරුවේ නිකුත් කර තිබිණි.
සෞඛ්ය වෘත්තිය සමිති 18 ක් ඉකුත් සඳුදා දින සිට මෙම වර්ජනය ආරම්භ කීරීමත් සමගම සෞඛ්ය සේවා ක්රියාවලියේ විශාල බිඳවැටීමක් වාර්තා විය.
පවතින තත්වය පිළිබඳ කරුණු දැක්වූ නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය ජී වීජේසූරිය ප්රකාශ කළේ රට වසංගතයකට මුහුණ දී සිටිය දී ආර්ථිකව සාමාන්ය මිනිසුන් දැඩි පීඩනයකට ලක්ව තිබිය දී ඇතිවුණ මෙම වර්ජනයන් පිළිබඳ විමසිය යුතු බවය. ඔහු පෙන්වා දෙන්නේ සිය වෘත්තීය අයිතීන් දිනා ගැනීම සඳහා අරගල කිරීමේ අයිතියක් වෘත්තීය සමිතිවලට ඇතිවා සේම ජීවත් වීම සඳහා වූ ප්රශ්න කළ නොහැකි අයිතියක් රටක ජනතාවට ඇති බවය.
මේ අතර සෞඛ්ය අමාත්ය කෙහෙළිය රඹුක්වැල්ල ප්රකාශයක් සමන් රත්නප්රිය සහ රජයේ හෙද නිලධාරීන්ගේ සංගමය අධිකරණය ලබාදුන් වාරණ නියෝගයට ගරු කරනු ඇතැයි තමන් විශ්වාස කරන බව දන්වා සිටියේය.
