මාස 22ක යුද්ධයකදී ගාසා තීරයේ ඊශ්රායල ප්රහාරවලින් මාධ්යවේදීන් සහ මාධ්ය සේවකයින් 270කට ආසන්න සංඛ්යාවක් මිය ගොස් ඇති බව අල් ජසීරා වාර්තා කරයි.
එය දළ වශයෙන් සෑම මසකම මාධ්යවේදීන් 13 දෙනෙකු පමණ ප්රමාණයක් බව එම පුවත් ඒජන්සිය පෙන්වා දෙන්නේ 2022 දී අල්ලා ගත් බටහිර ඉවුරේදී ඊශ්රායල හමුදා විසින් වෙඩි තබා ඝාතනය කරන ලද අල් ජසීරා මාධ්යවේදිනියක වන ෂිරීන් අබු අක්ලේගේ නමින් නම් කරන ලද නිරීක්ෂණ වෙබ් අඩවියක් වන ෂිරීන්.පී.එස් විසින් කරන ලද විමර්ශන සංඛ්යාලේඛනයකට අනුවය.
මෙම සංඛ්යාලේඛනයෙන් වඩාත් පැහැදිලි වන්නේ, වටලනු ලැබූ ප්රදේශයට ජාත්යන්තර මාධ්ය ඇතුළුවීම ඊශ්රායලය විසින් තහනම් කර ඇති අවස්ථාවක ගාසා තීරයේ හඬ අහිමි වෙමින් පවතින බව යැයි අල් ජසීරා කියයි.
2023 ඔක්තෝබර් 7 වන දින සිට මාධ්යවේදීන් ඝාතනය කිරීම සහ ඔවුන් රඳවා තබා ගැනීම ඇතුළු විභව යුද අපරාධ ලේඛනගත කිරීමට හේතු වන ප්රවෘත්තිවල හිස් තැනක් නිර්මාණය කර ඇති බව මාධ්යවේදීන් ආරක්ෂා කිරීමේ කමිටුව (CPJ) පවසා තිබේ.
ජුනි මාසයේදී, දේශ සීමා රහිත මාධ්ය කරුවන් (RSF), මාධ්යවේදීන් ආරක්ෂා කිරීමේ කමිටුව (CPJ) සහ ප්රවෘත්ති සංවිධාන විවෘත ලිපියකින් ප්රකාශයට පත් කරනු ලැබුවේ ගාසා තීරයෙන් පිටත වාර්තාකරුවන් විසින් විශ්වාසය තබා ඇති බොහෝ පලස්තීන මාධ්යවේදීන් තර්ජන රාශියකට මුහුණ දී ඇති බවය. බොහෝ දෙනෙක් නිරන්තරව ජීවිත තර්ජනයට ලක් වී ඇති බවය.
ඊශ්රායලය තමන් ජාත්යන්තරව හෙළා දැකීම නොතකා, මාධ්යවේදීන් ඉලක්ක කර ගැනීම සිට අඛණ්ඩව සිදුකරන බව එම සංවිධාන හෙළිදරවු කරයි.
නිවේදනයක් නිකුත් කරමින් ඇම්නෙස්ටි ඉන්ටර්නැෂනල් මෙසේ පැවසීය: “ඊශ්රායලය මාධ්යවේදීන් ඝාතනය කරනවා පමණක් නොව, ජන සංහාරය පිළිබඳ ලේඛනගත කිරීම වැළැක්වීම මගින් මාධ්ය කලාවටම පහර දෙයි.”
