අලුත්ගම ප්රදේශයේ නිවසක සැක කටයුතු ලෙස මාස ගණනාවක් තිස්සේ රැඳී සිටියදී අත්අඩංගුවට ගත් චීන ජාතිකයන් 39 දෙනා අතර සිටි 03ක් ජාත්යාන්තර අපරාධ සඳහා චෝදනා ලද පුද්ගලයින් බව පොලිසිය පවසයි.
සංචාරක වීසා මත සිටි මෙම චීන ජාතිකයන් අතර සිටිනා අපරාධ චෝදනා සහිත පුද්ගලයින් 03 දෙනා ඇතුළු පුද්ගලයින් 09 දෙනෙක් චීන තානාපති කාර්යාලය විසින් තමන් භාරයට පත් කරන ලෙස රජයෙන් ඉල්ලා ඇත.
අත්අඩංගුවට පත් මෙම කණ්ඩායම සතුව අයි ෆෝන් 120ක්, ලැප් ටොප් 30ක්, සහ ඊට සම්බන්ධ උපාංග ගණනක් පොලිසිය විසින් අත් අඩංගුවට ගෙන තිබේ.
මෙම පුද්ගලයන් අලුත්ගම ප්රදේශයේ නිවසක රැඳී සිටින බවට ලද තොරතුරක් මත පොලිසිය ගොස් සොයා බලද්දී ඔවුන් ගේ විදේශ ගමන් බලපත්වල වීසා කාලය කල් ඉකුත්ව ඇති බව අනාවරණය වීමත්, ඔවුන් රැකියාවකට හෝ සංචාරයකට පැමිණ ඇති බවට කිසිදු තොරතුරක් හෙළි නොවීමත් නිසා ඔවුන් සම්බන්ධ විමර්ශන කටයුුතු ආරම්භ කර තිබිණි.
