බොදු බල සේනා සංවිධානයේ ලේකම් පූජ්ය ගලගොඩඅත්තේ ඥානසාර හිමියන්ට කොළඹ මහෙස්ත්රාත් අධිකරණය විසින් අද ( 09) මාස 09 ක ලිහිල් සිරදඬුවමක් නියම කළේය.
ඉස්ලාම් දහමට අපහාස කිරීමේ චෝදනාවට වරදකරු කෙරුණු ඥානසාර හිමියන්ට සිර දඬුවමට අමතරව රුපියල් 1,500 ක දඩයක් ද නියම කරන බවත් තීන්දුව ප්රකාශයට පත් කරමින් කොළඹ අතිරේක මහෙස්ත්රාත් පසන් අමරසේන සිය නියෝගය නිකුත් කළේය.
2016 වසරේ ජූලි මස 16 වනදා කිරුළපන ප්රදේශයේ පැවති මාධ්ය සාකච්ඡාවකදී “ඉස්ලාමය පිළිකාවක්.. එය අතුගා දමන්න ඕනේ.” යනුවෙන් ප්රකාශ කිරීම තුළින් ජාතීන් අතර සංහිඳියාව උල්ලංගනය වන ආකාරයෙන් කටයුතු කළේ යැයි චෝදනා කරමින් දණ්ඩ නීති සංග්රහයේ 291 වගන්තිය යටතේ පොලීසිය විසින් ඥානසාර හිමියන්ට මෙම නඩුව ගොනු කර තිබුණි.
