පාර්ලිමේන්තුවේ සියලු පක්ෂවල සහභාගීත්වයෙන් අන්තර්කාලීන ආණ්ඩුවක් පිහිටුවීම සඳහා අග්රාමාත්යවරයා සහ රජය ඉල්ලා අස්විය යුතු බව ශ්රී ලංකා පොදුජන පෙරමුණේ පාර්ලිමේන්තු කණ්ඩායමේ බහුතරයක් ජනාධිපතිවරයාට දැනුම් දී ඇතැයි රාජ්ය ඇමති අරුන්දික ප්රනාන්දු පැවසුවේය.
ඔහු එසේ පවසන්නේ අගමැතිවරයා කිසිසේත්ම සිය ධුරයෙන් ඉවත් නොවන බව අද සවස සිය බිම්මට්ටමේ සිට පාර්ලිමේන්තුව දක්වා ජනතා නියෝජිත කණ්ඩායමට අලියගහ මන්දිරයේ දී සපථ කර ප්රකාශ කරද්දීය.
මේ සම්බන්ධව කරුණු පැහැදිලිකිරීමක් කරන ශ්රී ලංකා පොදුජන පෙරමුණේ ලේකම් පාර්ලිමේන්තු මන්ත්රී නීතිඥ සාගර කාරියවසම් මාධ්යයට ප්රකාශ කර ඇත්තේ වත්මන් පාර්ලිමේන්තුවේ ආසන බහුතරයක් අග්රාමාත්යවරයාට ඇති නිසා අමුතුවෙන් බහුතරයක් පෙන්වීමේ අවශ්යතාවයක් නොමැති බවය.
දැනට පාර්ලිමේන්තුවේ මන්ත්රී ආසන 120 ක් තම පාර්ශවයට තිබෙන බව පවසන අය කළයුතේ ඒ පිළිබඳව මාධ්ය සාකඡා පවත්වමින් රටට පැවසීම නොව ව්යස්ථානුකූලව එය පාර්ලිමේන්තුවේ දී ඔප්පුකර පෙන්වීම බව ද පෙන්වා දුන්නේය.
එලෙස පෙන්වන ඕනෑම වෙලාවක මහින්ද රාජපක්ෂ ප්රමුඛ ආණ්ඩුව විපක්ෂයට යන බව ද ඔහු සඳහන් කළේය.
