කොවිඩ් 19 වසංගත තත්ත්වය හේතුවෙන් බීජිං නුවර පනවා ඇති දැඩි වීසා සීමා කිරීම් ඉවත් කරමින් වසර දෙකකට වැඩි කාලයක් ඉන්දියාවේ අතරමංව සිටින චීනයේ සේවය කළ ඉන්දියානු වෘත්තිකයින්ට හා ඔවුන්ගේ පවුලේ සාමාජිකයින්ට වීසා ලබා දීමට චීනය සැලසුම් කර තිබේ.
පසුගිය මසායේ චීනයේ වෙසෙන ඉන්දියානු වෘත්තකියන් ගණනාවක් විදේශ කටයුතු අමාත්ය එස්. ජයශංකර් මහතාගෙන් ඉල්ලා සිටියේ ඔවුන්ගේ පවුල්වල අයට යළි පැමිණීමට අවස්ථාව ලබා දෙන මෙන් චීනයට බලපෑම් කරන ලෙසයි.
චීනය සිය දැඩි ප්රතිපත්ති වෙනස් කරමින් ඉන්දියානුවන්ට පමණක් නොව චීන පුරවැසියන්ගේ පවුලේ සාමාජිකයින්ට හා චීන ස්ථිර පදිංචි බලපත්ර ඇති විදේශිකයින්ට ද සිය පවුලේ ඥාතීන් වෙත යළි පැමිණීමට වීසා ඉල්ලුම් කිරීමට අවසර දී තිබේ.
බීජිං හි බ්ලැන්කට් වීසා තහන්ම කිරීම හා ගුවන් ගමන් අවලංගු කිරීම හේතුවෙන් ඉන්දියානුවන්ට සේම චීන වැසියන් හා විවාහ වී සිටින අයට ද, විවිධ සමාගම්වල සේවය කරන බොහෝ චීණ සේවකයින්ට ද ඉන්දියාවේ අතරමං වීමට සිදු විය.
එම තහනම ඉවත් කළත් සංචාරක හා පෞද්ගලික අරමුණු සඳහා චීන වීසා බලපත්ර තවමත් නිකුත් නොකරන බව චීන තානාපති කාර්යාලය නිවේදනය කරයි.
