තෙදින නිල සංචාරයක් සඳහා ශ්රි ලංකාවට පැමිණි ඉන්දීය විදේශ ලේකම් හර්ෂ් වර්ධන් ශ්රිංග්ලා අද (03) ත්රිකුණාමලයට ගිය හෙලිකොප්ටරය හදිසියේ කාර්මික දෝෂයකට ලක්වී ඇති බව වාර්තා වේ.
කොළඹින් පිටත් වූ ඉන්දීය විදේශ ලේකම්වරයා පෙරවරුවේ මහනුවර ට පැමිණි අතර ශ්රි දළඳා මාළිගාව වැඳ පුදා ගැනීමෙන් අනතුරුව මහනුවර සිට ත්රිකුණාමලයට පිටත් ගියේය. එහිදී ලංකා ඔයිල් සමාගමේ නිෂ්පාදනයක් එළි දැක්වීමේ අවස්ථාවකට සහභාගී වීමෙන් අනතුරුව ත්රිකුණාමලේ පිහිටි තෙල් ටැංකි සංකීර්ණයේ පහළ අන්තයේ ටැංකි පද්ධතිය නිරීක්ෂණයට ද ලක් කළේය.
මෙම ටැංකි සඳහා ඉදිරියේදී ඉන්දියාව හවුල්කාර බලශක්ති ආයෝජනයක් සඳහා මේ වනවිට සාකච්ඡා පැවත්වෙමින් ඇත. මේ පිළිබඳ ව නිරීක්ෂණයට ගිය විදේශ ලේකම්වරයා ත්රිකුණාමලයේ පිහිටි හෝටලයකින් දවා ආහාරය ලබා ගැනීමෙන් අනතුරුව යාපනයට යාමට සැලසුම් කර තිබිණි.
කෙසේ වුවද හෙලිකොප්ටරයේ යම් කාර්මික දෝෂයක් ගුවන් හමුදා නිලධාරීන් විසින් හඳුනා ගැනීම නිසා යළිත් කොළඹින් වෙනත් යානයක් ගෙන්වා ඉන්දීය විදේශ ලේකම්වරයා යාපනයට රැගෙන යාමට කටයුතු කර තිබේ.
මේ පිළිබඳව කළ විමසිමකදී අදහස් දැක්වූ ගුවන් හමුදාවේ මාධ්ය ප්රකාශක ගෘප් කපිතාන් දුෂාන් විජේසිංහ පැවසුවේ සාමාන්යයෙන් විශේෂ ප්රභූන් වෙනුවෙන් ගුවන් ගමන් සැලසුම් කිරීමේදී ඔහු වෙනුවෙන් අතිරේක ගුවන් යානයක් වෙන් කිරීම සාමාන්යයෙන් සිදුවන බවය.
විදේශ ලේකම්වරයා ගමන් ගත් හෙලිකොප්ටරයේ යම් කාර්මික දෝෂයක් හඳුනාගැනීමෙන් පසුව පවතින කාලගුණ තත්වයද සැලකිල්ලට ගෙන වයි 12 සැහැල්ලු යානයක් ත්රී කුණාමලයට යැවූ බවත් ඉන් විදේශ ලේකම්වරයාට යාපනයට ගමන් කිරීමේ පහසුකම් සැලසූ බවත් ගුවන් හමුදා මාධ්ය ප්රකාශකවරයා ලංකාසරට පැවසීය.
