අමායා උඩුවැරැල්ල –
28 හැවිරිදි නිරූපිකාවක් සහ 23 හැවිරිදි ඉන්දීය ප්රිමියර් ලීගයේ (IPL) සන්රයිසස් හයිද්රාබාද් කණ්ඩායමට ක්රීඩා කරන තුන් ඉරියව් ක්රීඩක අභිෂේක් ෂර්මාගේ මිතුරියක් වන ටානියා සිං පසුගිය සඳුදා ( 19 ) සූරත් හි වෙසු ප්රදේශයේ පිහිටි ඇගේ මහල් නිවාසයේ මියගොස් සිටියදී සොයා ගත්තා. ඇය සිය දිවි නසාගෙන තිබුණා.
මේ සිය දිවි නසා ගැනීම සම්බන්ධව වමර්ශන පැවැත්වූ පොලිස් නිලධාරීන් ඇයගේ ජංගම දුරකථනය පරීක්ෂා කරනවිට පෙනී ගියේ අභිෂේක් ෂර්මා සහ ටානියා සිං අතර සමීප සම්බන්ධතාවයක් පැවති ඇති බවයි. එමෙන්ම එම සමබඳතාව පළුදු වී ඇති ආකාරය හෙළි කරන වට්ස් ඇප් පණිවිඩ ප්රමාණයක් ද විමර්ශකයින් නිරීක්ෂණය කළා.
මේ අනුව ක්රීඩක අභිෂේක් ෂර්මාට ප්රශ්න කිරීම සඳහා නොතීසි යැවීමට බලධාරීන් කටයුතු කර ඇති බව ඉන්දීය මාධ්ය වාර්තා කරනවා. බලධාරීන් විසින් ටානියා සිං ගේ දුරකථනයේ ඇමතුම් විස්තර වාර්තා (CDR) සහ IP විස්තර වාර්තා (IPDR) දත්ත සත්යාපනය කරමින් සිටින බවට ද වාර්තා වනවා.
මෙම නිරූපිකාව ෂර්මාට WhatsApp චැට් මගින් පණිවිඩයක් යවා ඇති නමුත් ඔහු ඊට ප්රතිචාර නොදක්වා ඇති බව මූලික විමර්ශනයේදී අනාවරණය වී තිබෙනවා. මේ සම්බන්ධයෙන් වේසු පොලිස් ස්ථානයේ නඩුවක් ද ගොනු කර ඇති අතර වැඩිදුර විමර්ශන ක්රියාත්මක බව සඳහන් වනවා
