ශ්රී ලංකාවට තවදුරටත් ණය ආධාර සැපයීම සිදුනොකිරීමට ඉන්දියාව සැලසුම් ඇති බවට අනාවරණය වන්නේ යැයි රොයිටර් පුවත් සේවය වාර්තා කරයි.
මේ වන විට ඇමරිකානු ඩොලර් බිලියන හතරකට ආසන්න මුදලක ණය ආධාර ලබා දී ඇති ඉන්දියාව එම සහන සැලසීම නවතා දැමීමට සැලසුම් කර ඇති බවට විශ්වාසදායක ආරංචිමාර්ග තමන්ට සඳහන් කර ඇති බවද එම පුවත් සේවය අනාවරණය කරයි.
ඉන්දීය රජයේ මෙම තීරණයට හේතුවී ඇත්තේ ශ්රී ලංකාව සහ ජාත්යන්තර මූල්ය අරමුදල අතර මූලික ණය ගිවිසුමක් ඇති කරගැනීමය.
ශ්රී ලංකා ඉතිහාසයේ දරුණුතම ආර්ථික අර්බුදයට මුහුණ දී සිටින ශ්රී ලංකාවට අත්යාවශ්ය වූ ආනයන සදහා අවශ්ය කළ මුදල් සැපයීමට ඉන්දියාව ඉදිරිපත් විය. ඒ අනුව මෙම වසරේ ශ්රී ලංකාවට වැඩියෙන්ම ආධාර සැපයූ රට බවටද ඉන්දියාව පත්විය.
“අපි දැනටමත් ඩොලර් බිලියන 3.8 ක ආධාර ලබා දී ඇත. දැන් ඒ සියල්ල ජාත්යන්තර මූල්ය අරමුදල සමඟ සිදුවෙයි,” යනුවෙන් සහ ‟රටකට දිගටම ආධාර ලබා දිය නොහැක.” යනුවෙන් ශ්රී ලංකාව සමඟ සාකච්ඡා කිරීම පිළිබඳ සෘජු දැනුමක් ඇති ඉන්දීය රජයේ මූලාශ්රයක් රොයිටර් වෙත පැවසූ බව එම පුවත් සේවය සඳහන් කරයි
මේ අතරශ්රී ලංකා රජයේ මූලාශ්රයක් එම පුවත් සේවය වෙත පවසා ඇත්තෙ ඉන්දියාවේ මෙම තීරණය පුදුමයට කරුණක් බවත්, තවත් විශාල පරිමාණයේ සහයෝගයන් ලැබෙනු ඇති බවට නව දිල්ලිය මීට මාස කිහිපයකට පෙර ශ්රී ලංකාවට “සංඥාවක්” දුන් බවත්ය.
තවත් ශ්රී ලංකා රජයේ මූලාශ්රයක් රොයිටර් පුවත් සේවය වෙත පවසා ඇත්තේ, ඉන්දියාව සහ ශ්රී ලංකාව අතර ඩොලර් බිලියන 1 ක ස්වැප් පහසුකමක් සඳහා වූ සාකච්ඡා මැයි මාසයේදී සිදු කරන ලද බවය.
එහි දෙවන කොටස වූ ඩොලර් මිලියන 500 ක සඳහා වූ ඉල්ලීම සුළු ප්රගතියක් ලබා ඇති බවය.
