මේවන විට දේශසීමා සම්බන්ධයෙන් ඉන්දියාව විරසකයකට පත්ව සිටින චීනයට ආසන්න ගුවන් සිමාවේ විශේෂ ගුවන් සටන් පුහුණුවක් පැවැත්වීමට ඉන්දියාව සහ ජපානය තීරණය කර තිබේ.
ඒ අනුව මෙම යුද පුහුණුවට ජපානයේ සහ ඉන්දියාවේ ගුවන් යානා සහ නියමුවන් එක්වීමට නියමිත බවටද වාර්තාවේ. මෙම විශේෂ ගුවන් සටන් පුහුණුව එළැඹෙන ජනවාරි 16 වැනිදා සිටි 26 දක්වා ජපානයේ හියාකුරි සා ටෘෘමා ගුවන් කඳවුරුවල පැවැත්වීමට නියමිතය.
වීර් ගාඩියන් ලෙසින් නම්කර ඇති මෙම ගුවන් අභ්යාසයට සඳහා ඉන්දියාව සිය සී -17 ග්ලෝබ් මාස්ටර් උපාය මාර්ගික භාණ්ඩ එසවුම් ගුවන් යානා දෙකක්ද ගුවනේදී ගුවන්යානා සඳහා ඉන්ධන ලබාදීම කළ හැකි අයිඑල් 78 වර්ගයේ ගුවන් යානයක්ද රුසියාවේ නිෂ්පාදිත ඉන්දියාව සතු ප්රබලතම ප්රහාරක යානාවක් වක සූකොයි 30 වර්ගයේ ගුවන්යානා හතරක්ද මෙම පුහුණුවට යෙදවීමට නියමිතය.
මීට අමතරව ඉන්දීය ගුවන් හමුදා සාමාජිකයින් 150 දෙනෙකු පමණ මීට සහභාගී වීමටද නියමිතය. එමෙන්ම ජපානය විසින් සිය මිට්සුබිෂී එෆ් 2 වර්ගයේ ගුවන් යානා සහ ඇමරිකාවේ නිෂ්පාදිත එෆ් 15 ප්රහාරක යානා යොදා ගැනීමට නියමිත බවට වාර්තාවේ.
වීර් ගාඩියන් අභ්යාසය ද්විපාර්ශ්වික ආරක්ෂක සහයෝගීතාව සහ ආරක්ෂක අන්තර් ක්රියාකාරීත්වය තවදුරටත් ශක්තිමත් කරනු ඇති අතර දෙපාර්ශවයේ උපායශීලී ගුවන් සටන් කුසලතා වැඩි දියුණු කරනු ඇති” යනුවෙන් නිලධාරියෙක් බ්රහස්පතින්දා ඉන්දීය මාධ්ය වෙත පැවසීය.
ඉන්දියාව ජපානය සමඟ කලාපීය ආරක්ෂාව තහවුරු කරගැනීමට කටයුතු කරන අතර එහිදී දෙරටට අභියෝග එල්ලවන චීනයට මුහුණ දීමට දිගින් දිගටම සුදානම් වන අතර එය කළාපීය ආරක්ෂාවටද ඉතා වැදගත්ය.
