ඉන්දියාවේ කීර්තිමත්ම තාක්ෂණ ආයතනයක් වන ඉන්දියානු තාක්ෂණ අයාතනයේ ප්රථම විදේශීය ශාඛාව එක්සත් ආරබි එමීර් රාජ්යෙයේ විවෘත කිරීමට ඉන්දියාව සැලසුම් කර තිබේ.
ඒ අනුව ඊට අදාල මූලික කටයුතු මේවන විටත් සැලසුම්කර අවසන් බවත් ඒ සම්බන්ධයෙන් අබුඩාබි හී ඉන්දීය නියෝජතියා මාධ්ය වෙත ප්රථම වරට අනාවරණය කළේය.
ඉන්දියානු තාක්ෂණ ආයතනය දිල්ලිය යනු ඉන්දියාවේ අගනුවර පිහිටි පොදු ඉංජිනේරු ආයතනයකි. එය ඉන්දියානු අධ්යාපන අමාත්යාංශය විසින් පවත්වාගෙන යනු ලබන අතර එය ඉන්දියාවේ පුහුණුවීම්, පර්යේෂණ සහ විද්යාව සඳහා විශිෂ්ටතම මධ්යස්ථානයක් ලෙස සලකනු ලබයි. පසුගිය වසරේ QS ලෝක විශ්වවිද්යාල ශ්රේණිගත කිරීම්වලට අනුව, ඉංජිනේරු සහ තාක්ෂණ අධ්යයනයන්හි ගෝලීය වශයෙන් 54 වැනි ස්ථානයටද මෙම අයාතනය පත්ව ඇත.
ඒ අනුව ඉන්දීයානු තාක්ෂණ ආයතනයේ දිල්ලි ශාඛාවේ සාමාජිකයින්ගෙන් සමන්විත ක්රියාකාරී කණ්ඩායමක් අබුඩාබි හී අධ්යාපන දේපාර්තමේන්තුවේ සාමාජිකයින් සමග අදාල ව්යාපෘතියේ සංවර්ධණ කටයුතු සම්බන්ධයෙන් සාකච්ඡා කිරීමට ඉකුත් මාසයේදී එක්සත් ආරබි එමීර් රාජ්ය වෙත ගොස් තිබිණි.
සාකච්ඡා කළ සැලසුම් වලට අනුව, පළමු සිසුන් කණ්ඩායම 2024 අගභාගයේදී හි අබුඩාබි ඉන්දීයානු තාක්ෂණ ආයතනයේ මණ්ඩපයේ ඔවුන්ගේ පාඨමාලා ආරම්භ කරනු ඇත.
ඉන්දියාව කාලයක පටන් සිය විශ්ව විද්යාල විදේශයන් හි පිහිටුවීමට කටයුතු කර තිබූ අතර එහි ප්රතිඵලයක් ලෙස ඉන්දීයානු තාක්ෂණ ආයතනය එක්සත් අරාබි එමීර් රාජ්යෙය් පිහිටුවීම සිදුවේ. ඉන්දීයානු තාක්ෂණ ආයතනයේ අයාතනයේ ලොව ප්රමුඛ පෙළේ තාක්ෂණික විද්වතුන් බිහිකර ඇති අතර එමගින් ක්ෂේත්ර රැසකට අදාල අධ්යනය පාඨමාලා පවත්වාගෙන යයි.
