ලලිත් චාමින්ද –
ගාල්ල, කච්චුවත්ත, පුරාණ විහාරස්ථානයේ ඇති කතරගම දේවාලයේ තිබී ඉත වටිනා කතරගම දේවියන්ගේ පිත්තල පිලිමයක්, සරස්වති හා විෂ්ණුදේවියන්ගේ පිළිමයක් ත්රිශුලයක්, සලඹ 52ක්, සිනු 32ක් හා කුකුළු පහන් 08ක් සොරකම් කළ පුද්ගලයෙකු සහ භාණ්ඩ ළඟ තබාගෙන සිටි සාමිවරයකු අද (25) අත්අඩංගුවට ගත්බැව් ගාල්ල පොලිසියේ කොට්ඨාස අපරාධ විමර්ශන අංශය පවසයි.
අත්අඩංගුවට ගෙන ඇත්තේ අක්මිමන, අංකොක්කාවල,මොරගලකන්දේ පදිංචි 39 හැවිරිදිවියේ පසුවන අයෙකු හා පානදුර ප්රදේශයේ පදිංචි සාමිවරයෙකි.
මෙම සැකකරු පුජාවලට සම්බන්ධවන මුවාවෙන් කච්චුවත්ත විහාරස්ථානයට කිහිප වතාවක් පැමිණ ඇති බව විමර්ශනවලදි අනාවරණය වි ඇත.
එහිදි මෙම ඉතා වටිනා භාණ්ඩ සොරකම් කිරීම සඳහා සැලසුම්කොට ඇත. ඉකුත් 19 වැනිදින මෙම භාණ්ඩවලින් කොටසක් සැකකරු විසින් සොරකම් කරගෙන ගොස් ඇත.
අවස්ථා තුනකදි කච්චුවත්ත විහාරස්ථානයේ කතරගම දේවාලයේ තිබි මෙම භාණ්ඩ තොගය රැගෙන ගොස් තිබිණි.
පසුව සැකකරු විසින් කරගතම දේවියන්ගේ පිළිම ඇතුළු භාණ්ඩ පානදුර ප්රදේශයේ සාමිවරයකු වෙත අලෙවි කිරීම සදහා රැගෙන ගොස් ඇත.
තමන්ගේ මව නිවසේ කතරගම දේවියන්ගේ දේවාලයක් පවත්වාගෙන ගිය බවත් මව මිය යාමෙන් පසු මෙම පිළිම ඇතුළු භාණ්ඩ තමන්ට ප්රයෝජනයක් නොමැති බවත් ඔහු පවසා ඇත. එසේ පවසමින් සාමිවරයාට මෙම පිළිම ඇතුළු භාණ්ඩ විකුණා රුපියල් දසදහසක මුදලක් ලබාගෙන තිබේ.
සාමිවරයා විසින් කතරගම දේවියන්ගේ පිළිමය ඇතුළු භාණ්ඩ මිලදි ගැනීමෙන් පසු ඔහුගේ බිරිය අසනිප වු බවද ඔහු පොලිසියට ප්රකාශකොට ඇත.
දින දෙකක් වැනි කෙටිකාලයක් තුළදි මෙම වටිනා පිලිම ඇතුළු භාණ්ඩ සොයාගැනිමට හැකිවු බව පොලිසිය පවසයි.
සොරකම් කරණු ලැබු භාණ්ඩ මිලදි ගැනිමේ චෝදනාව මත සාමිවරයා අත්අඩංගුවට ගෙන ඇත. විහාරස්ථානයේ ඇති සි.සි.ටි.වි කැමරාවල තිබු දර්ශන ඔස්සේ පරික්ෂණ පවත්වා සැකකරුවන් අත්අඩංගුවට ගනු ලැබිය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සැකකරුවන් දෙදෙනා අධිකරණය වෙත ඉදිරිපත් කිරීමට නියමිතව තිබුණි. ගාල්ල පොලිසියේ කොට්ඨාස අපරාධ විමර්ශන අංශයේ ප්රධාන පොලිස් පරික්ෂක නාරංගොඩ, උප පොලිස් පරික්ෂක නුවන් තරංග, පොලිස් කොස්තාපල්වරුන් වන 77828 ගිතප්රිය,81732 ප්රියබන්දු,66183 මේනක,13446 දිරසිංහ, 32291 සදරුවන් ,73009 අරුණ යන නිලධාරින් විසින් මෙකි වැටලිම කරණු ලැබිය.
