ඇමරිකා හා ඊශ්රායල පෞද්ගලික අංශය, නව දිල්ලියේ ආහාර අස්වැන්නෙහි තිරසාර වර්ධනයක් වසර පහක් ඇතුළත ස්ථාපිත කිරීම උදෙසා ආයෝජනය කිරීමට සූදානමින් සිටින බව එක්සත් ජනපදයේ ජනාධිපති ජෝ බයිඩන් පවසයි. ඉන්දියාව හා එක්සත් ආරාබි එමීර් රාජ්යය අතර ආහාර කොරිඩෝවක් මුලපිරීම අගය කරමින් ජනාධිපතිවරයා මේ බව පැවසීය.
පසුගියදා පැවති I2U2 සමූහයේ පළමු රැස්වීම පැවති අතර එහිදී ඉන්දියාවේ කෘෂිකාර්මික ක්ෂේත්රය සඳහා ඇමරිකානු ඩොලර් බිලියන 2ක් ආයෝජනය කරන බවට ඒකාබද්ධ ප්රකාශයක් නිකුත් කෙරිණි.
ඇමරිකානු හා ඊශ්රායල් පෞද්ගලික අංශයේ විශේෂඥයින්ගේ සහයෝගය ඇතිව ඉන්දියාව පුරා ඒකාබද්ධ කෘෂිකාර්මික උද්යාන සංවර්ධනය කිරීම මඟින් වසර පහක් තුළ කලාපයේ ඉන්දියානු ආහාර අස්වැන්න තිරසාර ලෙස තුන් ගුණයකින් වැඩි කිරීමට හැකියාවක් ඇති බව බයිඩන් සඳහන් කරයි. ලෝකයේ ප්රධාන ආහාර නිෂ්පාදකයෙක් වන ඉන්දියාවේ ගොවීන්ට හා කලාපයේ කුසගින්නෙන් හා මන්දපෝෂණයෙන් පෙළෙන ජනතාවට ඇති කරන වාසිදායක බලපෑම් ගැන සිතන්න යැයි ද පැවසීය.
