ඉතාලියේ පළාත් පාලන මැතිවරණය සඳහා ලොම්බර්දියා පළාතෙන් (LOMBARDIA) තරග කිරීම සඳහා ශ්රී ලාංකික කාන්තාවක් තේරී සිටින්නීය.
ධම්මිකා චන්ද්රසේකර නැමැති ඇය ඉතාලියේ ලොම්බර්දියා පළාතේ විදේශික ප්රජාව නියෝජනය කිරීම සඳහා අපේක්ෂකත්වය ලබන්නී PARTITO DEMOCRATICO පක්ෂයෙනි.
ඉතාලියේ මෙවර පළාත් පාළන මැතිවරණයේදී ලොම්බර්දියා පලාතේ ජීවත්වන විදේශිකයන් නියෝජනය කිරීම සඳහා වරම් ලද එකම අපේක්ෂිකාව වන්නේද ඇයයි.
57 හැවිරිදි තිදරු මවක්වන ධම්මිකාගේ උපන් ගම කඳානය. සාමන්ය පෙළ දක්වා කදාන සාන්ත සෙබස්තියන් මහා විද්යාලයෙන් ද, උසස් පෙළ විභාගය කඳාන ද මෙසිනොඩ් විද්යාලයෙන් ද හදාරන ධම්මිකා ඉතාලියට පැමිනෙන්නේ 1984 වර්ෂයේ දීය. එනම් මිට මිට වසර 38කට පෙරය. ඒ වනවිට ඇයට වසර 19කි.
රෝමය, නාපොලි, වෙරොනා, මිලානෝ නගරවල බොහොම දුෂ්කර රැකියාවන්හි අතර වැඩිදුර අධ්යාපනය හදාරන ධම්මිකා සමාජ සේවය වෙනුවෙන්ද කැපවන්නීය.
මිලානෝ නගරයේ වසර හයකට නොඅඩු කාලයක් පුරා විදේශිකයන් වෙනුවෙන් කැප වී සිටින සමාජ සේවා ආයතනයක්වූ CENTRO COMMUNITA DELLO SRI LANKA ආයතනයි විසින් ධම්මිකාගේ නම අපේක්ෂකත්වය සඳහා PARTITO DEMOCRATICO පක්ෂය වෙත ඉදිරිපත්කර තිබේ.
