දකුණු ඉතාලියේ රළු මුහුදේදී බෝට්ටුවක් කැඩී යාමෙන් ඉතාලියට නීතිවිරෝධීව පැමිණෙමින් සිටි සංක්රමණිකයන් 58 දෙනෙක් පමණ මිය ගොස් ඇතැයි විදෙස් මාධ්ය වාර්තා කරයි.
ඉතාලියේ ප්රාදේශීය පුවත් මූලාශ්රවලට අනුව, යානයේ සිටි පුද්ගලයින් පකිස්ථානය, ඉරානය, ඉරාකය, සිරියාව, ඇෆ්ගනිස්ථානය සහ සෝමාලියාව යන රටවලින් පැමිණ ඇත.
සංක්රමණිකයන් 150 ක් දක්වා රැගත් ලී යාත්රාව කැලබ්රියා හි වෙරළබඩ නගරයක් වන ක්රෝටෝන් අසල මුහුදේදී මෙම අනතුරට ලක් වී තිබේ.
ඒ ආසන්නයේ පිහිටි වෙරළාසන්න නිවාඩු නිකේතනයක මුහුදු වෙරළේ තිබී මළ සිරුරු රැසක් සොයාගෙන ඇති බව විදෙස් මාධ්ය වාර්තා කරයි.
එම වාර්තා අනුව ගිලී යාමෙන් පසු වෙරළට ළඟා වීමට සමත් වූ කිහිප දෙනෙකු ද ඇතුළුව පුද්ගලයින් 80 දෙනෙකුගේ ජිවිත ආරක්ෂා කරගැනීමට වෙරළ ආරක්ෂක බලකායට හැකි වී තිබේ.
පලාත් පාලන නිලධාරියෙකු වන මැනියුලා කුර්රා රොයිටර් පුවත් සේවයට පවසා ඇත්තේ මෙම පිරිස රැගත් බෝට්ටුව දින තුනකට හෝ හතරකට පෙර තුර්කි වෙරළබඩ නගරයක් වන ඉස්මීර් නගරයෙන් පිටත් වී ඇති බවය.
ගැටුම් සහ දරිද්රතාවයෙන් පලා යන විශාල සංඛ්යාවක් සෑම වසරකම අප්රිකාවේ සිට ඉතාලිය දක්වා ගමන් කරයි.
