සැමට ඉංග්රීසි වැඩසටහන යටතේ ඉංග්රීසි ගුරුවරුන් 2500ක් බඳවා ගැනීමට කැබිනට් අනුමැතිය හිමි වූ බව කැබිනට් ප්රකාශක, අමාත්ය බන්දුල ගුණවර්ධන පවසයි.
අමාත්ය මණ්ඩල තීරණ දැනුම් දීමේ සතිපතා රැස්වීම අමතමින් ඔහු කියා සිටියේ අ.පො.ස සාමාන්ය පෙළ (සා.පෙළ) විෂයයන් ඉංග්රීසි භාෂාවෙන් ඉගැන්වීම සඳහා ඉංග්රීසි ගුරුවරුන් 4,441 දෙනෙකු පාසල් සඳහා අනුමත කර ඇති බවයි.
මේ සඳහා ඉංග්රීසි ගුරුවරුන් 6500කගේ අවශ්යතාවක් පවතී.
ඉංග්රීසියෙන් විෂයයන් පවත්වන පාසල් සංඛ්යාව 765කි. එම පාසල් සංඛ්යාව මේ වසරේ පාසල් සංඛ්යාව 1000 දක්වා වැඩි කිරීමට රජය තීරණය කර ඇත.
ඒ ඉලක්කය වෙත යෑම සඳහා ඉංග්රීසි ගුරුවරුන් සංඛ්යාව 6500 දක්වා වැඩි කිරීමට සැලසුම් කර ඇති බවත් ඒ සඳහා කැබිනට් අනුමැතිය හිමි වූ බවත් අමාත්ය ගුණවර්ධන පැවසීය.
