කීර්ති ප්රනාන්දු –
ආසියානු කුසලාන දිනූ දැල් පන්දු සහ ක්රිකට් කණ්ඩායම් දෙක විශේෂ රථ පෙරහරකින් කොළඹට කැඳවාගෙන එමින් ඇත. රටේ ජනතාව දේශපාලන දුර්දාන්තයන්ගෙන් අන්ත පීඩාවට පත් වී විදී බැස සිටිය දී මර්ධනයෙන් පළවා හැර තිබිණු වටපිටාවක ක්රිකට් කණ්ඩායම පිළිගැනීම සඳහා විදී බසින ලෙස ජනාධිපති ලේකම් කාර්යාලය නිවේදනය කළේය.
මිනිස්සු තමන් විඳි ආයාසකර පීඩන දරාගෙන රටේ ජයග්රහණයට සුබ පතන්නට වීදි බැස තිබුණහ. ඒ දේශපාකයින්ගේ ඉල්ලීම නිසා නොවේ. හදවතින් උපන් අව්යාජ හැඟීමෙන් බව පෙනුනි. මේ ක්රීඩකයින් රටට දිනා දුන් ජයග්රහණ තුළ දේශපාලන අශිටකමින් රටට සිදුවූ බිහිසුණු ව්යසනය සැඟවීමට ගත් කළකිරවනසුළු උත්සාහය ද දක්නට ලැබිණි.
ආසියානු ක්රිකට් ශූරතාවය දිනා ගත් ශ්රී ලංකා ක්රිකට් කණ්ඩායම අද (13 ) අලුයම 04.55 ට ඩුබායි සිට ශ්රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපළ වෙත පැමිණයේය.
එමෙන්ම ආසියානු දැල් පන්දු එහි ශූරතාවය දිනා ගත් ජයග්රාහී ශ්රී ලංකා කණ්ඩායම ද අද (13) අළුයම 12.50ට මැලේසියාවේ ක්වාලාලම්පූර් නුවර සිට , ශ්රී ලන්කන් ගුවන් සේවයේ යූ.එල්.- 315 දරන ගුවන් යානයෙන් කටුනායක ගුවන් තොටුපළ වෙත පැමිණ සිටියහ .
ක්රීඩා කණ්ඩායම් දෙකම උඩරට , පහතරට සහ ඉන්දියානු බෙර වාදන සහ නර්තනයන් මධ්යයේ ගුවන් තොටුපළ විශේෂ අමුත්තන්ගේ මැදිරිය වෙත කැදවා ගෙන එනු ලැබීය .
ක්රිකට් කණ්ඩායම පිළිගැනිමට ක්රීඩා සහ යෞවන කටයුතු පිළිබඳ රාජ්ය අමාත්ය රෝහණ දිසානායක , ශ්රී ලංකා ක්රිකට් ආයතනයේ සභාපති ෂම්මි සිල්වා , උප සභාපති ජයන්ත ධර්මදාස ඇතුළු විශාල පිරිසක් කටුනායක ගුවන් තොටුපළ විශේෂ අමුත්තන්ගේ මැදිරිය වෙත පැමිණ සිටියහ .
දැල්පන්දු කණ්ඩායම පිළිගැනීම සඳහා ක්රීඩා සහ තරුණ කටයුතු පිළිබඳ රාජ්ය අමාත්ය රෝහණ දිසානායක , ක්රීඩා අමාත්යාංශයේ අධ්යක්ෂ ජනරාල් අමල් එදිරිසූරිය , ජාතික දැල් පන්දු ෆෙඩරේෂනයේ සභාපති ලක්මි වික්ටෝරියා ඇතුළු විශාල පිරිසක් කටුනායක ගුවන් තොටුපළ විශේෂ අමුත්තන්ගේ මැදිරිය වෙත පැමිණ සිටියහ .
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මෙම පිළිගැනීමේ උත්සව වලින් අමතරව මෙම ආසියානු කුසලාන දිනූ ශ්රී ලංකා දැල් පන්දු කණ්ඩායම සහ ශ්රී ලංකා ක්රිකට් කණ්ඩායම විශේෂ රථ පෙළපාලියක් මගින් කොළඹ වෙත කැඳවා ගෙන ඒමට පියවර ගෙන තිබූ අතර එය දැක බලා ගැනීමට සහ එම ක්රීඩක ක්රීඩිකාවන්ට සුභ පැතීම සඳහා කටුනායක ගුවන් තොටුපළ තුළ සහ කොළඹ දක්වා වූ මග දෙපස අති විශාල ජනතාවක් රැස් වී සිටියහ .
