භාෂිකා හීන්දෙණිය –
ආසියානු කුසලාන තරගාවලියේ සුපරි වටයේ තරග පැවැත්වීම සඳහා කණ්ඩායම් හතරම මේ වනවිට කොළඹට පැමිණ සිටිය ද මුළු තරගාවලියේම උණුසුම් සහිත ජවය වර්ෂාවෙන් සේදී යෑමේ සියයට පනහක අවදානමක් පවතින බව වාර්තා වේ.
දකුණු ආසියානු කලාපීය රටවල කාලගුණ තත්ත්වය සමාලෝචනය කරන රැස්වීමක් ඊයේ (07) පස්වරුවේ පැවති බවත් එහිදී මේ පිළිබඳව අවධානය යොමු වී ඇති බවත් වාර්තා වේ.
කාලගුණ විද්යා දෙපාර්තමේන්තුවේ නියෝජ්ය අධ්යක්ෂ ප්රීතිකා ජයකොඩි මාධ්යයට පවසා තිබෙන්නේ කඩින් කඩ ධාරාණිපතා වර්ෂාවක් වුව ද පතිත විය හැකි බවය.
ඉන්දියාව සහ පකිස්ථානය අතර අනිද්දා (10) පැවැත්වීමට නියමිත සුපිරිවටයේ තරගයට ද වර්ෂාවෙන් බාධාවීමේ වැඩි සම්භාවිතාවක් ඇති බව හඟවමින් ඇය පවසන්නේ 10 වැනිදාත් කොළඹ අවට වැසි වැටීමක් සිදුවිය හැකි බවත් ඕනෑම අවස්ථාවක වර්ෂාව පතිත විය හැකි බවත්ය.
ඛේදවාචකය වන්නේ මෙම තරගාවලියේ අති උත්කර්ෂවත් හමුව වන ඉන්දියා පකිස්ථාන මුල් වටයේ තරගයත් පල්ලෙකැලේ දි වර්ෂාවෙන් සේදී යෑමය. වැස්සෙන් සෙදී ගිය මුල් වටයේ තරගය නැරඹීම සඳහා ඉන්දියානු සහ පකිස්ථානු ක්රීඩා ලෝලීන් හත් දහසක් පමණ පල්ලෙකැලේට පැමිණ සිටියහ. මෙම පිරිස කොළඹ පැවත්වෙන සුපිරි වටයේ තරග ද නැරඹීමේ අපේක්ෂාවෙන් පසුවන අතර නැවතත් ඔවුන්ගේ ප්රධානම බලාපොරොත්තුව සුන්වන ලකුණු පහළ වී ඇත.
“ කාලගුණ දත්තවල වැස්ස තිබුණත් අප වගේ රටවල එම තත්ත්වය ඉක්මනින් වෙනස් විය හැකියි…” නියෝජ්ය අධ්යක්ෂවරිය අවසානයේ පවසන්නේ තරගාවලියට සුබවාදී බලාපොරොත්තුවක් දෙමිනි.
හෙට (09) හවස ශ්රී ලංකාව හා බංගලාදේශය අතර තරගය සමග ආසියානු කුසලා සුපිරිවටයේ තරග ආර්. ප්රේමදාස ක්රීඩාංගනයෙන් ආරම්භ වේ.
තරගාවලියේ එක් තරගයක් පකිස්ථානයේ ලාහෝර් ක්රීඩාංගනයේ පැවැත්විනි. බංගලාදේශය සහ පකිස්ථානය අතර පැවති එම තරගයේ දී කඩුළු 07ක සුපිරි ජයක් අත් කරගැනීමට පකිස්ථාන කණ්ඩායමට හැකි විය.
