ශ්රී ලංකාවේ පවතින ආර්ථික අර්බුදය හේතුවෙන් යළි සිය රටට පැමිණීමට අවශ්ය ලංකාවේ සේවයේ නිරත වෙන පිලිපීන ජාතිකයින් ගෙන්වා ගැනීමට කටයුතු කරන්න යැයි එරට විදේශ කටයුතු ලේකම් තියොදොරෝ ලොසින් ජේආර්. පවසා තිබේ.
පිලිපීනයේ සංක්රමණික කම්කරුවන් පිළිබඳ විදේශ ලේකම් සාරා ලු ඇරියෝලා අමතමින් ටිව්ටර් පණිවිඩයක් තැබූ තියොදොරෝ පවසා තිබුණේ අපිට සල්ලි තියෙනවා.. ඔවුන්ව ගෙන්වා ගන්න.. යනුවෙනි.
ශ්රී ලංකාවේ රැකියාවල නිරත වන පිලිපීන ජාතිකයින් සඳහා වෙනම ට්විටර් පණිවිඩයක් තිබූ ඇරියෝලා ඩකා නුවර තානාපති කාර්යාලය හා ශ්රී ලංකාවේ ගරු කොන්සල් කාර්යාලය සමඟ සම්බන්ධ වී පිලිපීනයට යළි පැමිණීමට අවස්ථාව සලසා ගත හැකි බවයි.
කොළඹ කොන්සල් කාර්යාලයේ හා ඩකා හි තානාපති කාර්යාලයේ දුරකථන අංක ද පිලිපීන ජාතිකයින් වෙනුවෙන් දන්වා තිබුණත් තවමත් කිසිවෙකු යළි පිලිපීනයට යෑමට ඉල්ලීම් කර නැත.
ආර්ථික අර්බුදය පැවතුණත් තවමත් ඔවුන්ට සිය රැකියාවල නිරත වීමට හැකියාව ඇති අතර ඔවුන්ට පැමිණීමට අවශ්ය ඕනෑම මොහොතක ඉක්මණින් අදාළ ආයතන හා සම්බන්ධ විය හැකි බව ඇරියෝලා දැනුම් දී ඇත. මෙරට පිලිපීන ජාතිකයින් 581ක් පමණ රැකියාවල නිරත වන බව දත්ත වාර්තා කරයි.
