ශ්රියානි විජේසිංහ
ආපදාවන්ට ලක්ව ඇති ළමුන්ගේ අධ්යාපනය, ආහාර, ආරක්ෂාව යන සියලු වගකීම් භාරගන්නා බවට විවිධ පුද්ගලයන්, සංවිධාන ඉදිරිපත්වන බවට සමාජ මාධ්ය ඔස්සේ පණිවුඩ සංසරණය වන බැවින් එවැනි වංචනික ක්රියාවන්ට නොරැවටෙන්නැයි ජාතික ළමා ආරක්ෂක අධිකාරියේ සභාපති ප්රීති ඉනෝකා රණසිංහ මහත්මිය භාරකරුවන්ගෙන් විශේෂ ඉල්ලිමක් කරයි.
එවැනි වංචනික ක්රියාවල නිරතවෙන පුද්ගලයන්, ආයතන හෝ සංවිධාන සම්බන්ධයෙන් ජාතික ළමා ආරක්ෂක අධිකාරිය දැඩිව නීතිමය ක්රියා මාර්ග ගැනීමට කටයුතු කරන බවටත් අවධාරණය කරන අතර එවැනි තොරතුරු ඇත්නම් පැය 24 පුරා ක්රියාත්මක වන 1929 ළමා උපකාරක දුරකතන අංකය වෙත වහාම දැනුම් දෙන්නැයිද සභාපතිනිය ජනතාවගෙන් ඉල්ලා සිටියි.
.
දිස්ත්රික් 16ක් තුළ සුරක්ෂිත මධ්යස්ථාන 878ක් පවත්වාගෙන යන අතර පවුල් 27,145ක් සහ පුද්ගලයන් 86,040ක් එම මධ්යස්ථානවල සිටින බවත් මෙම ආපදා තත්ත්වය හේතුවෙන් විපතට පත් ළමුන් සහ වැඩිහිටියන් දෙපාර්ශ්වයම තම සුපුරුදු ජීවිතවලින් සහ පරිසරවලින් ඈත්ව තිබීම දැකිය හැකි බවද ඇය පෙන්වෙදේ.
ළමුන් සම්බන්ධයෙන් පුද්ගලයෙකුගෙන් හෝ බාහිර ආයතනයකින් සහය ලබාදීම සඳහා දෙමාපියන් සහ වැඩිහිටියන් වෙත ඉල්ලීමක් ඉදිරිපත් වුවහොත් ඒ පිළිබඳව ග්රාම නිලධාරී, ප්රාදේශීය ළමා ආරක්ෂක නිලධාරී, ළමා හිමිකම් ප්රවර්ධන නිලධාරී, දිස්ත්රික් ළමා ආරක්ෂක නිලධාරී සහ දිස්ත්රික් මනෝ සමාජීය නිලධාරී යන රාජ්ය නිලධාරීන් දැනුවත්කර සහාය ලබා ගැනීමට හෝ 1929 ශ්රී ලංකා ළමා උපකාරක දුරකථන සේවය මගින් ජාතික ළමා ආරක්ෂක අධිකාරිය වෙත දැනුම් දීම සිදුකල හැක.
ගංවතුර හා නායයෑම් මගින් ආපදාවට ලක්වූ ළමුන්හට උපකාර කිරීමට හෝ දායකවීමට කැමති නම් ජාතික ළමා ආරක්ෂක අධිකාරිය වෙත ඉහත දුරකතන අංකය ඔස්සේ දැනුම් දෙන ලෙස ඉල්ලා සිටින අතර එවැනි විටක ඔබේ අව්යශතාවය පරිදි අවශ්ය සහය ලබාදීමට කටයුතු කරනු ලබන බවද එම අධිකාරිය පවසා සිටියි..
දැයේ දරුවන් ආරක්ෂා කිරීම සඳහා ඔබ ලබා දෙන්නාවූ සහයෝගය අතිශය අගයකොට සලකන අතර ආපදා තත්වය තුළ ළමුන් අපයෝජනය වීම වළක්වා ගැනීම ඔබගේ යුතුකමක් බවට ද ඇය කීවාය.
