ශ්රියානි විජේසිංහ –
රට තුළ පවතින ආපදා තත්ත්වයෙන් අවතැන් වූ ජනතාවට උදව් කිරීමට වහාම ඉදිරිපත්වෙන්නැයි සෞඛ්ය අමාත්යවරයාගේ අනුමැතිය මත ලෝක සෞඛ්ය සංවිධානය ඇතුළු සංවිධානයන්ගෙන් සෞඛ්ය ලේකම් විශේෂඥ වෛද්ය පාලිත මහීපාල විශේෂ ඉල්ලිමක් කර තිබේ.
ගංවතුර පවතින ප්ර දේශවල සහ අවතැන් කඳවුරුවල සිටින ගර්භනී මව්වරුන්, කුඩා දරුවන්ට සහ බෝනොවන රෝගවලින් පෙළෙන වයස්ගතවූවන් පිලිබඳව වහාම සොයා බලා අවශ්ය කටයුතු සිදුකරන්නැයි සෞඛ්ය ලේකම් විශේෂඥ වෛද්ය පාලිත මහීපාල නිලධාරින්ට උපදෙස් දුන් බව නියෝජ්ය සෞඛ්ය සේවා අධ්යක්ෂ වෛද්ය ජී. විජේසූරිය සඳහන් කරයි.
අවතැන් කඳවුරුවල මෙන්ම ගංවතුර පවතින ප්රදේශවල ජනතාවට මීඋණ, සමේ රෝග, ශ්වසන රෝග, පාචනය වැනි රෝග තත්ත්වයන් ඇතිවිය හැකි බැවින් එම රෝග තත්ත්වයන් පැතිරීම වලක්වා ගැනීම සඳහා අවශ්ය ප්රතිජීවක ඖෂධ හා ආලේපනයන් වහාම අදාල ප්ර දේශයන්හී රෝහල් වෙත සහ සෞඛ්ය වෛද්ය නිලධාරී කාර්යාලයන් වෙත බෙදා හැරීමට කටයුතු කරන්නැයිද ලේකම්වරයා මෙහිදී නිලධාරින් දැනුම් දී ඇත.
අවදානම් තත්ත්වයන් පවතින ප්රදේශවල රෝහල්වල ඖෂධ නොමැති නම් ඖෂධ පවතින ප්රදේශවල රෝහල්වලින් එම හිඟ ඖෂධ වහාම ලබා ගැනීමට කටයුුතු කරන්නැයි ද ලේකම්වරයා පැවසූ බව වෛද්ය විජේසූරිය ලංකාසර කළ විමසුමකදී පැවසුවේය.
අවතැන් කඳවුරු සහ ගංවතුර පවතින ප්රදේශවල පුද්ගලයින්ගේ සනීපාරක්ෂක කටයුතු වහාම සොයා බලන්නැයිද විශේෂයෙන් ලිං පිරිසිදු කිරීමට අවශ්ය ඖෂධීය පිරිසිදුකාරකයන් බෙදා හැරීමට කටයුතු කරන්නැයිද මෙහිදී උපදෙස් දී තිබේ.
මේ වන විට දිස්ත්රික්ක මට්ටමින් පිහිටා තිබෙන ආපදා කමිටු ශක්තිමත් කර ඇති බවත් දිස්ත්රික්ක කමිටු හා සෞඛ්ය අමාත්යංශයේ පවතින ප්රධාන ආපදා කමිටුව නිරන්තරයෙන් අදහස් හුවමාරුකර ගනිමින් සිටින බවත් වෛද්ය විජේසූරිය මහතා පැවසුවේය.
