කිසිසේත්ම අත්යාවශ්ය නැති ආණ්ඩුක්රම ව්යවස්ථාවේ 22 වැනි සංශෝධනය පාර්ලිමේන්තුවට ඉදිරිපත් කරමින් රට තුළ බරපතල ව්යාකූල තත්ත්වයක් ඇති කර මැතිවරණ විකල් කිරීමට උත්සාහ කරන ආකාරය ජනාධිපති නීතිඥවරුන් 10 දෙනෙකුගෙන් සහ විද්වත් නිතිඥවරුන් ගණනාවකගෙන් සමන්විත නීතිඥ සාමුහිකය හෙළිදරවු කරයි.
ඒ පිළිබඳ නිවේදනයක් නිකුත් කරමින් නීතිඥ සාමුහිකය පෙන්වා දෙන්නේ හදිසි ව්යවස්ථා සංශෝධනය මැතිවරණ ක්රමවේදය අර්බුදකාරී මට්ටමකට ගෙන ඒමේ ප්රයත්නයක් බවය.
මෙම කෙටුම්පත පාර්ලිමේන්තුව තුළ තුනෙන් දෙකක බහුතරයකින් සම්මත වුවහොත් ජනාධිපතිවරයාට මැතිවරණ කොමිසමෙන් ජනමත විචාරණයක් ඉල්ලිය හැකි බව ඔවුහු පෙන්වා දෙති.
නීතිඥ සාමුහිකය නිකුත් කළ නිවේදනයේ සඳහන් වන්නේ එම පනත් කෙටුම්පත සම්මත වී දින 30ක් ඇතුළත ජනමත විචාරණයක් පැවැත්වීමට සිදුවන බවය.
මේ හේතුවෙන් ශ්රි ලංකාවට ජාතික මැතිවරණ දෙකක බරක් දැරීමට සිදුවන අතර එය ව්යාකූල තත්ත්වයක් නිර්මාණය කරන බවට නිතිඥ සාමුහිකය අනතුරු අඟවයි.
ඔවුන් පෙන්වා දෙන්නේ ජනමත විචාරණයක් පැවැත්වීම යනු රුපියල් බිලියන ගණනක් වැයවන ක්රියාවලියක් බවය.
පළාත් පාලන ඡන්දය පැවැත්වීමට අරමුදල් නොමැති බවට ශ්රී ලංකා රජය අවස්ථා කීපයක දී කළ ප්රකාශ පිළිබඳවත් ඔවුහු මෙම නිවේදනයේ සිහිපත් කරති.
පාර්ලිමේන්තුවේ හෝ ජනාධිපතිවරයාගේ ධූර කාලයේ උපරිමය සම්බන්ධයෙන් කිසිදු හදිසි අවශ්යතාවයක් මේ අවස්ථාවේ දී නොමැති බව නීතිඥ සාමුහිකය පෙන්වා දෙයි.
එවැනි පසුබිමක දී ශ්රී ලංකා රජය විසින් ඉදිරිපත් කර ඇති ව්යවස්ථා සංශෝධන කෙටුම්පත හෙළා දකින අතර එය මෙරට මැතිවරණ ක්රමවේදය විකෘති කිරීමේ උත්සාහයක් බව ඔවුහු සිය නිවේදනයේ පෙන්වා දෙති.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සියලුම ප්රජාතන්ත්රවාදී බලවේග මෙම ප්රයත්නයට එරෙහිව පෙළ ගැසිය යුතු බව නීතිඥ සාමුහිකය අවධාරණය කරයි.
ජනාධිපති නීතිඥවරු දස දෙනෙක් සමග නීතිඥවරුන් සමූහයක් මෙම සංවිධානයට ඇතුළත් වේ.
