කොළඹ මහ නගර සභාවේ බලය පිහිටුවීමේ වැඩි හැකියාව ඇත්තේ සමගි ජන බලවේගයට බවත් ආණ්ඩුවේ ප්රබලයින් කරන ප්රකාශ කිසිසේත්ම වලංගු නැති බවත් සමගි ජන බලවේගයේ කොළඹ දිස්ත්රික් මන්ත්රී මුජිබර් රහුමාන් පවසයි.
ඔහු පවසන්නේ මේ වනවිට කොළඹ මහ නගර සභාවේ ස්වාධීන අපේක්ෂකයින් 09 දෙනා අතරින් මාලිමාවට සහාය ලබා දෙන බව ස්ථිර ලෙස ප්රකාශ කර ඇත්තේ අපේක්ෂකයින් 03ක් පමණක් බවය.
එවැනි පසුබිමක් තුළ “අපි බලය පිහිටුවා ඉවරයි” ආදී වශයෙන්වන කතාවල කිසිම සත්යතාවයක් හෝ වලංගු භාවයක් නැති බව කී මන්ත්රීවරයා සභාව පිහිටුවන්නට හැකි වන්නේ සභාව කැඳවා ඡන්දයක් ප්රකාශ කිරීමෙන් අනතුරුව යැයි ද කොළඹ බලය විපක්ෂය අතේ යැයි ද මුජිබ්ර් රහුමාන් මන්ත්රීවරයා පැවසුවේය.
