ජයන්ත වීරසේකර – වැල්ලවාය
මොණරාගල දොඹගහවෙල ප්රදේශයේ දී වයස අවුරුදු දාහතරක පාසල් දැරියක් දූෂණය කිරීමක් සම්බන්ධයෙන් එම ප්රදේශයේ ප්රසිද්ධ විහාරස්ථානයක නායක චීවරධාරියෙක් ඇතුළු හතර දෙනෙක් ජනවාරි මස 10 දා දක්වා රක්ෂිත බන්ධනාගාරගත කිරීමට මොණරාගල මහේස්ත්රාත් අධිකරණය නියෝග කර අත.
මෙම ළමා දූෂක චීවරධාරියා සහ අනුබල දුන් පිරිස ඇතුළු සිව් දෙනා දොඹගහවෙල පොලිසිය විසින් අත්අඩංගුවට ගෙන අධිකරණය වෙත ඉදිරිපත් කර තිබිණි.
වාර්තාවන පරිදි සිද්ධිය මෙසේය.
ජාඇල ප්රදේශයේ පදිංචි දැරියක් පාසල් නිවාඩු කාලයේ දී දොඹගහවෙල ප්රදේශයේ පදිංචි සිය නැන්දනියගේ නිවස වෙත පැමිණ ඇත.
මෙම දැරිය සිය මිත්තනිය සහ නැන්දනිය සමගින් විහාරස්ථානයට ගිය අවස්ථාවදී ඔවුන් දෙදෙනා ගේ ද සහය ඇති ව අදාල නායක චීවරධාරියා විහාරස්ථානය තුළදීම මෙම දැරියට ලිංගික අතවර සිදු කර ඇතැයි මූලික විමර්ශනවල දී හෙළි වී තිබේ.
මෙම සිද්ධියෙන් පසු එම නායක චීවරධාරියාගේ සහෝදරයෙක් දැරියගේ නැන්දනියගේ නිවස වෙතම ගොස් දැරියට ලිංගික අතවර සිදු කර ඇති බවට සිදු කළ විමර්ශන වලින් අනාවරණය වී ඇත.
සිද්ධිය සම්බන්ධයෙන් දොඹගහවෙල පොලිසියට ලද පැමිණිල්ලක් අනුව මෙම සිදුවීමට සම්බන්ධය චීවරධාරියාත්, ඔහුගේ සොයුරා සහ මෙම අපරාධය ට අනුබල දුන් නැන්දනිය සහ මිත්තනියත් අත්අඩංගුවට ගෙන තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සිද්ධිය සම්බන්ධයෙන් දොඹගහවෙල පොලිස් ස්ථානයේ නිලධාරීන් වැඩිදුර විමර්ශන සිදු කරයි.
නෙත් –
