ආගමික සිද්ධස්ථානවලින් හමුදා භට පිරිස් ඉවත් කර ඇති බව කියමින් යුද හමුදාව පිළිබඳ පළකර ඇති සංවේදී අසත්ය ප්රවෘත්තිය පිළිබඳ ආරක්ෂක අමාත්යාංශය වශයෙන් ගත යුතු නීතිමය පියවර ගැනීමට කටයුතු කරන බව ආරක්ෂක අමාත්යාංශයේ මාධ්ය අධ්යක්ෂ කර්නල් එම්.බී.බී. නලීන් හේරත් පැවසුවේය.
අද සමාජ මාධ්ය ඔස්සේ පැතිර ගිය අසත්ය ප්රවෘත්තිය සම්බන්ධව ආරක්ෂක අමාත්යාංශය වශයෙන් කරුණු දැක්වීමට කැඳවූ මාධ්ය සාකච්ඡාව අමතමින් ආරක්ෂක අමාත්යාංශයේ මාධ්ය අධ්යක්ෂවරයා ප්රකාශ කළේ නොදැන ප්රචාරය කරන වැරදි තොරතුරු මෙන්ම දැන දැන ප්රචාරය කරන වැරදි තොරතුරුත් බොහෝ අවස්ථාවල ප්රතිග්රාහකයින් නොමග යවන බවය. නිවැරදි තොරතුරු තෝරා ගැනීමට නොහැකිව ඔවුන් වියවුලකට පත් වන බවය.
කුමක් හෝ ගැටලු සහගත තත්ත්වයක් පවතීනම් ප්රවෘත්තිය පල කිරීමට පෙර ආරක්ෂක අමාත්යාංශයේ මාධ්ය අධ්යක්ෂවරයා අමතන ලෙස ඉල්ලා සිටි ඔහු අවධාරණයෙන් ප්රකාශ කළේ ත්රිවිධ හමුදා භට පිරිස් හෝ සිවිල් ආරක්ෂක දෙපාර්තමේන්තුවේ භට පිරිස් කිසිම අවස්ථාවක ආගමික සිද්ධස්ථානවලින් ඉවත් කිරීමේ තීන්දුවක් ගෙන නැතැයි යන්න පැහැදිලිව අවධාරණය කිරීමට මෙම මාධ්ය සාකච්ඡාව පැවැත්වූ බවය.
එමෙන්ම හිටපු ජනාධිපති මහින්ද රාජපක්ෂ වෙත මෙතෙක් ලබා දී ඇති යුද හමුදා ආරක්ෂාව කිසිම ආකාරයකයින් අඩු කර නැති බවත්, කොමාන්ඩෝ භටයින්ගෙන් ද සමන්විත හමුදා භට පරිස් පෙර සේම හිටපු ජනාධිපතිවරයාගේ ආරක්ෂාව සලසන බවත්ය.
