සූරියවැව නුවන් ජයසේකර –
-
මේ තිබුණු ගම්මාන් නොවෙයි… දේශපාලකයන්ගේ කුණු ජාවාරම් කාරයෝ මහ කැලේ කපනවා… අලි ගම්වදිනවා. ජවාරම් කාරයො කැලෙන් පන්නලා අලි ටික කැලේට යවලා දෙන්න…
“වන අලින්ට ඉන්න වෙන් කරලා තියෙන මහ කැලේ දේශපාලන හිතවත්කම් මත අක්කර ගනන් වගා කිරීමට ඉඩදීලා. දැන් දිනපතාම වන අලි ගම් වදිනවා. ගම්මුන්ගේ ජිවිත රැකගන්න එළිවෙනකම් වන අලිත් එක්ක ඔට්ටු වෙන් වෙලා. බළධාරීන්ට කොතෙකුත් කීවත් වැඩක් නෑ. සූරියවැව අවට සැරිසරණ මීනී මරු වන අලියා වහා රැගෙන යාමට බළධාරීන් කටයුතු කරන්න… නැතිනම් මේ සතා තවත් ජීවිත ගණනක් බිලි ගනිවී. ඒ අලියත් මිනිස් වෙඩි පරහරකින් හෝ මරුමුවට පත් වේවි. ඒක අපරාධයක්.“
එසේ කියන්නේ සූරියවැව වැලිවැව,බෝගහඉදිවැව,මීගහජදුර, කරමැටිය, වැවේගම, 14කණුව ඇතුළු අලි කරදරය නිසා පීඩාවට පත් වී සිටින ගම්මුය.
මේ මිනිස්සු අපට කී කතාවය.
බෝගහඉදිවැව පදිංචි ඊ.කේ.ආරියදාස .
එක දවසක්වත් අපිට රෑට ඇහැ පියාගන්න විදියක් නෑ අලි නිසා. අපි එදා ඉඳන්ම මේ ගම්වල ජිවත් වුණා. හැබැයි ඒ කාලේ මේ විදියට අලි කරදර අපිට තිබුණේ නැහැ. දැන් තමා මේ විදියට අලි කරදර වැඩි වෙලා තියෙන්නේ. ඒකට ප්රධාන හේතුව මහා පරිමාණ ව්යාපාරිකයෝ දේශපාලන හිතවත්කම් මත අලින්ට ඉන්න තිබුණු කැලේ අල්ලගෙන වැටවල් ගහලා කොටු කරගෙන සිටිම. අලි ටිකට යන්න තැනක් නෑ. ඒ නිසා රෑ වෙනකොටම අලි ගමට වදිනවා
වනජීවි එකට කිව්වට වැඩකුත් නෑ. අපිට අපේ ජිවිත රැකගන්න වෙලා තියෙන්නේ. අලි වැටවලුත් නෑ. මේ ටිකේම මිනිස්සු පස්සේ එලවන එක අලියෙක් නිසා රෑට පාරකට බහින් විදියක් නැති වෙලා. පසුගිය 07 වෙනිදා වැලිවැවදී පාරේ යමින් සිටි දෙන්නෙක් මරා දැම්මා. පසුගිය 10 වෙනිදා මගේ දුවගේ ගෙදරට එමින් සිටි දෙදෙනෙකුට අලියා ගහන්න පැනලා තුවාල වුණා. මේ තියෙන කිසිම භෝගයක් තියෙන්න අරින්නේ නෑ කාලා විනාශ කරලා දමනවා. අලි ආවම එළවගන්න අලි වෙඩි ඇත්තෙත් නෑ.
අපි මේ දුක් ගැනවිල්ල හැමෝටම කිව්වා. තවම කිසිදු විසදුමක් නෑ. අපිට අපේ ජීවිත අපේ දරු මල්ලන්ගේ ජීවිත වටිනවා. ඒ නිසා මේකට වගකිවයුතු බළධාරීන් විසඳුමක් දෙන්නේ නැතිනම් සතාගෙ ජීවිතෙත් අපේ ජීවිතත් නැති වේවි…
බෝගහඉදිවැව පදිංචි දිනූෂා දමයන්ති
මහත්තයා රෑට එළිවෙනකම් වගාවේ පැල් රකිනවා. මමයි දරුවෝ තුන් දෙනයි විතරයි ගෙදර ඉන්නේ. අපි හැමදාම එළිවෙනකම් බයෙන් ඉන්නේ. හැමදාම ගේ ලගට අලි එනවා. අපි කෑ කෝ ගහලා කොහොම හරි එළවා ගන්නවා. පසුගිය 09 වෙනිදා රෑ 7.30ට විතර ගේ පිටිපැත්තේ සද්දයක් ඇහිලා බලනකොට අලියා ඇවිත් පොල් ගස් කඩනවා. මන් හයියෙන් කෑ ගහලා අවට අයගෙන උදව් ඉල්ලුවා. ඒ වෙලාවේ මහත්තයා පැල් රකින්න ගිහිල්ලයි හිටියේ. මගේ කෑ ගැහිල්ලට අවට ඉන්න කට්ටිය ලොරියක් අරගෙන ඇවිත් අලි වෙඩි දමලා තමයි අලියා එළවා ගත්තේ.
මේ විදියට අපිට මේ ගම්වල ජිවත් වෙන්න බෑ. බළධාරීන් මොකක් හරි විසදුමක් ඉක්මනින් මේකට දිය යුතුයි.
වැලිවැව පදිංචි වීරකෝන්
හම්බන්තොට වන අලි ගැටලුව විසදන්න කියලා අලි කළමණාකරණ රක්ෂිතයක් කියලා එකක් ගැසට් කලා .ඒක නමට විතරයි කරලා තියෙන්නේ. එම රක්ෂිතය තුළ එක අලියෙකුටවත් ඉන්න තැනක් නෑ.
දේශපාලඥයින්ගේ හෙන්චයියෝ එකතු වෙලා මහ කැලේ ඇතුලේ ඉඩම් අල්ලගෙන කොටු කරගෙන ඉන්නවා. මේවට විසදුමක් දෙන්න බළධාරීන්ට ඕන කමක් නෑ. නිළධාරීන් හැමෝමත් ජාවාරම්කාරයන්ට සියළු පහසුකම් දුන්නට ගම්වල ජිවත් වෙන අසරණ මිනිස්සුන්ට කිසිදු සහනයක් සළසන පාටක් පේනතෙක් මානයකවත් නෑ.
අලි කළමණාකරණ රක්ෂිතයේ ඉන්න ජාවාරම්කාරයෝ කැළෙන් එළියට දමලා ගම්වල ඉන්න මිනිමරු අලි ටික කැලේට දමන්න කියලා විතරයි අපි ඉල්ලන්නේ .
