මාතලේ, අනුරාධපුරය සහ පොළොන්නරුව දිස්ත්රික්කවල දේශීය ලොකු ලූනු අස්වැන්න නෙලීම මේ වනවිට ආරම්භ වී ඇති නමුත් ආනයනික ලොකු ලූනු වෙළඳ පොළට නිකුත් කිරීම හේතුවෙන් ලොකු ලූණු ගොවියා ද බරපතල බිඳවැටීමක්ට ලක් වී ඇතැයි වෙළෙඳපල ආරංචි මාර්ග හෙළි දරව් කරයි.
මේ සම්බන්ධව ප්රකාශයක් කරමින් කෘෂිකර්ම ඇමති මහින්ද අමරවීර පවසන්නේ තමන් මේ සම්බන්ධව ලබා දුන් උපදෙස් අමාත්යාංශ ලේකම්වරයා ක්රියාත්මක කර නැති බවය.
“ මීට සතියකට පෙර අමාත්යාංශ ලේකම්වරයාට ලිඛිතව දැන්වීමක් කළා මේ ලූණු ගෙන්වීම නතර කරලා බද්දක් පනවලා මේ ගොවීන්ව ආරක්ෂා කරගන්න කියලා. නමුත් අවාසනාවට ඒකට තාම ක්රියාත්මක වෙලා නෑ….“ ඇමතිවරයා කියන්නේය.
මාතලේ අනුරාධපුර පොළොන්නරුව දිස්ත්රික්කවල ලොකු ලූණු අස්වැන්න වෙළෙඳපලට පැමිණෙන විට ලූණු කිලෝවක් සඳහා ගොවියාගේ නිශ්පාදන වියදම රුපියල් 180ක් බව ගණනය වුනත් දඹුල්ල තොග වෙළඳපලේ මේ වනවිට ලූණු කිලෝවක තොග මිල රුපියල් 30 සිට 110 පමණ බව වෙළෙඳපල ආරංචි මාර්ග කියයි.
බීබීසී සේවයට අදහස් දක්වමින් ලූණු ගොවියෙක් පවසන්නේ ගිය වසරේ රුපියල් 1500ට යූරියා මිටියක් රැගෙන රුපියල් දෙදහසක් වනවිට බෙහතේ වර්ග ගෙන වගා කළ අස්වැන්න කිලෝව රුපියල් 120ට අලෙවි කළ බවය.
එහෙත් මෙවර රුපියල් 23000කට යූරියා ගෙන රුපියල් හය දහසකට වැඩි මිලකට බෙහෙත් වර්ග ගෙන අමාරුවෙන් උපයා ගත් අස්වැන්න අලෙවි කරන්නට සිදුවී ඇත්තේ උපරිමය රුපියල් 110කට බවය.
“අපිට තව වෙන්න දෙයක් නෑ…“ ලොකු ලූණු ගොවීන්ගේ හඬ බිබීසීය වාර්තා කර තිබුණේ එසේය.
පිටකොටුව තොග වෙළෙඳපලේ ආරංචි මාර්ග පවසන්නේ බදු වැඩි වී නැතිවීම හේතුවෙන් විශාල ලොකු ලූණු ප්රමාණයක් වෙළෙඳපලේ පවතින බවය.
“මං හිතන්නෙ කිලෝ විසිපන්දාහ ගානෙ ටැංකි 325ක් තියනවා. “ තොග වෙළෙන්දෙක් බීබීසිය වෙත කියා තිබිණි.
