වසර 60කට ආසන්න කාලයක් ශ්රී ලංකාවේ මෙහෙයුම් සිදු කළ ජපානයේ දැවැන්ත සමාගමක් වන මිට්සුබිෂි සමාගම ලබන මාසයේදී මෙරට මෙහෙයුම් අවසන් කිරීමට තීරණය කර තිබේ. මෙම සමාගම දෙරටෙහි ද්විපාර්ශවික සබඳතා සහ රටේ ප්රධාන යටිතල පහසුකම් ව්යාපෘති කිහිපයක අත්යාවශ්ය අංගයක් වී තිබිණි.
පැරණී මූලාශ්රවලට අනුව, ශ්රී ලංකාව, මිට්සුබිෂි සමාගමේ පළමු විදේශීය කාර්යාලවලින් එකක් වේ. වසර 60කට ආසන්න කාලයකට පසු ශ්රී ලංකාවේ කාර්යාලය වසා දැමීමට ප්රධාන හේතුවක් වී ඇත්තේ ශ්රී ලංකාව විදේශ ණය ගෙවීම පැහැර හැරීම, අහිතකර ජාත්යන්තර ශ්රේණිගත කිරීම් සහා ආර්ථික දැක්ම යි.
මෙම කාර්යාලය වසා දැමීමේ දෙරටේ ද්විපාර්ශවික සබඳතා බිඳ වැටීමට ද හේතුවක් වන අතර මෙරට පෞද්ගලික අංශය ද කම්පනයට ලක් කර තිබේ. මාර්තු 31 වෙනිදා වන විට කාර්යාලය වසා දැමීමට නියමිත බව සඳහන් වේ. කොළඹ කාර්යාලයේ සේවකයින් 20 ක් පමණ සේවය කරන අතර, ව්යාපාර සහ ව්යාපෘති විවිධ අංශවල දහස් ගණනකට ජීවනෝපාය සපයා ඇත.
ජපානය ශ්රී ලංකාවේ දෙවන විශාලතම ණය දෙන්නා වන අතර 2022 සැප්තැම්බර් වන විට ජපානයට ඩොලර් බිලියන 2.46 හි ණය හිඟයක් තිබිණි.
ජපානය විසින් යෝජනා කරන ලද සැහැල්ලු දුම්රිය මාර්ගය (LRT) සහ ද්රව ස්වභාවික වායුව (LNG) ඇතුළු ප්රධාන ව්යාපෘති කිහිපයක් හදිසියේ අවලංගු කිරීම හේතුවෙන් ශ්රී ලංකාව සහ ජපානය අතර සබඳතා මෑත වසරවලදී පළුදු විය
