ලලිත් චාමින්ද –
ළමා ආරක්ෂක අධිකාරියට ඉකුත් වර්ෂ 11 ක (2011 -2021) කාලය තුළදි ළමුන් සම්බන්දව පැමිණිලි 100,592ක් ලැබි තිබු අතර ඉන් පැමිණිලි 47,136ක් විසදා නොමැති බැව් ජාතික විගණන කාර්යාලය මගින් ළමා ආරක්ෂක අධිකාරිය සම්බන්දයෙන් 2021 වර්ෂයට අදාලව නිකුත්කොට ඇති වාර්ෂික විගණන වාර්තාවේ සඳහන් වේ.
නොවිසඳී ඇති පැමිණිලි සංඛ්යාව ලැබී ඇති මුළු පැමිණිලි සංඛ්යාවෙන් සියයට 46ක් බවද විගණනය මගින් අනාවරණය කොට ඇත.
ළමා ආරක්ෂක අධිකාරියට ලැබෙන පැමිණිලි නිතිය, බලාත්මක කිරිමේ අංශය මගින් පොලිස් අංශය, විමර්ශන අංශය, මනෝසමාජිය අංශය, සහ නීති අංශය වෙත යොමුකරණු ලැබේ.
කෙසේවුවද මෙම කාලය තුළ ලැබි ඇති මුළු පැමිණිලි සංඛ්යාවෙන් නොවිසඳී ඉදිරියට ගෙනවිත් තිබු පැමිණිලි සංඛ්යාව 47,136ක් බවද විගණන වාර්තාවේ සඳහන් වේ.
එමෙන්ම ඉකුත් වර්ෂය (2021) තුළදී ළමුන් සම්බන්ධයෙන්, දිස්ත්රික්ක 25 තුළින් වර්ග 28කට වෙන්කළ හැකි අපචාර හා හිංසන 11187 ලැබී තිබුණි. එම අපචාර සම්බන්ධයෙන් නොපමාව ක්රියාමාර්ග ගතයුතු වුවද අපචාර සිද්ධින් 7492ක් සම්බන්ධයෙන් විගණිත දිනය වනවිටත් අවසන් ක්රියාමාර්ග ගෙන නොතිබුණි.
2011 වර්ෂයේ සිට පවතින නොවිසඳී ඇති පැමිණිලි කඩිනමින් විසඳීමට පියවරගත යුතු බවද විගණනය මගින් නිර්දේශකොට ඇත.
මේ සම්බන්ධයෙන් ළමා ආරක්ෂක අධිකාරියේ කළමණාකාරිත්වය විසින් විගණනයට සඳහන් කොට ඇත්තේ පැමිණිල්ලක අවසන් ක්රියාමාර්ග ගැනීම යන්න පැමිණිල්ලේ ස්වරුපය අනුව වෙනස්වන බවය.
එවැනි අවස්ථා මත අවසන් නොවීම හේතුවෙන් පැමිණිලි සඳහා අදාල ක්රියාමාර්ග නොගත් බව අදහස් නොවන බවද කළමණාකාරිත්වය විසින් විගණනයට සඳහන් කොට ඇත.
