-
බොරැල්ල කනත්තේ ආරක්ෂාව භාරව ඉන්නේ “රක්නා ලංකා“ සමාගම… ප්රධාන ආරක්ෂක නිලධාරියා හිටපු යුද හමුදා නිලධාරියෙක්…
-
සුසාන භූමියේ භාරකරු වැඩ තහනමට ලක්වෙලා… දැන් සිටින්නෙ වැඩ බලන භාරකරුවෙක්… ඔහුගේ වැඩේ කරන්නෙ කම්කරුවන්…
ඝාතනයට ලක් වූ ප්රකට ව්යාපාර නායක දිනේෂ් ෂාෆ්ටර් සිය මෝටර් රථය තුළ ගැට ගසා තිබියදී හමුව තිබුණේ බොරැල්ල කනත්ත තුළ වුව ද එම භූමියට ඇතුළු කළ හැක්කේ අවමංගල්යය රථ පමණක් බව වාර්තා වේ.
ඩේලි මිරර් පුවත්පතට මේ පිළිබඳව අදහස් දක්වා ඇති කොළඹ නාගරික මන්ත්රීවරයෙකු පවසා ඇත්තේ 2021 සිට බොරැල්ල පොදු සුසාන භූමියේ ආරක්ෂාව රක්නා ලංකා ආරක්ෂක සමාගම වෙත පවරා ඇති අතර අදාළ ගිවිසුම අනුව ඔවුන්ට අවමංගල්යය රථ හැර වෙනත් කිසිදු වාහනයක් ඇතුළු කර ගැනීමට අවසර නැති බවයි.
සුසාන භූමියට පැමිණෙන වෙනත් පුද්ගලයින් පිටත ඇති රථ ගාලෙන් වාහන නවත්වා ඇතුළු වීමට අවසර දිය යුතු බව ද එම ගිවිසුම අනුව දක්වා ඇතැයි මෙම නාගරික මන්ත්රීවරයා සඳහන් කර තිබේ.
මෙම සුසාන භුමියේ ප්රධාන ආරක්ෂක නිළධාරියා ලෙස අදාළ සමාගම මඟින් හිටපු යුධ හමුදා නිළධාරියෙකු යොදවා ඇති බව ද සඳහන් කර ඇත.
එසේම, බොරැල්ල කනත්ත පොදු සුසාන භූමියේ භාරකරු වැඩ තහනමට ලක්ව සිටි බැවින් දැනට වැඩ බලන භාරකරුවෙකු යොදවා ඇති බවත් බොහෝ විට මෙම භාරකරුගේ රාජකාරිය එහි කම්කරුවන් විසින් සිදු කරන බවත්, මෙවැනි පසුබිමක් තුළ ඇතැම් පුද්ගලයින් සිය සතුරන් ඝාතනය කිරීම සඳහා මෙවන් බිමක් තෝරා ගැනීම පිළිබඳව පුදුම නොවිය යුතු බවත්, ඩේලි මිරර් පුවත්පතට ඔහු පවසා ඇත.
