නයනක රන්වැල්ල –
ලෝක අලි දිනය (World Elephant Day) යෙදි තිබුනේ පසුගිය 12 වැනිදා. ඒ වෙනුවෙන් ලොව පුරා විවිධ සැමරුම් උත්සව පැවැත් වුණා,ලංකාවත් ඇතුළුව.
නමුත් අපි හැමදාම කියනවා වගේ ලංකාවේ අලි ගෙවමින් තිබෙන්නේ සිය මරණීය කාර්තුව. ඔවුන්ව රකින්න අද කවුරුත් නැති තත්ත්වයකට පත් වෙලා.
ලංකාවේ දිවිගෙවන අලින්ගෙන් 60%ක් විතර ජීවත් වෙන්නේ රක්ෂිතවලින් පිටත. ඒ අලි වගේම අනෙක් අලිත් ජීවත් වෙන්නේ මරණ සහතිකය ගෙලේ එල්ලගෙන.
මේ අපි කියන්න හදන්නේත් එවැනිම කතාවක්. ලෝක අලි දින සැමරුම්වල උණුසුම පහව යන්නත් කලින් මිහින්තලේ ආසන්නයේ දී ඇතෙකු හා අලි දෙදෙනෙකු විදුලි සැර දලා මරා දමලා.
ඇත්තටම මේක අති බහුතරයක් තිරිසන් කාළකණ්ණී ඉන්න රටක්. ඒ නිසයි මේ වගේ දේවල් කොච්චර සිද්ධ වුනත් බලධාරින් නිදාගෙන ඉන්නේ…
මීට දින කිහිපයකට කලින් බරණ කියන විසල් ඇතාත් ජීවිතයෙන් සමු ගත්තේ අනවසර විදුලි රැහැනක් නිසා. ඊට කලින් රේවත.
ඇත්තටම වනජීවී එක මොකද කරන්නේ කියලත් හිතෙනවා…
සමාවෙයන් උපන් බිමේම මෙහෙම උඹලාව මරා දාන හැටි අපි තවමත් බලාගෙන විතරක් ඉන්න එක ගැන….