දිනසේන රතුගමගේ –
අලිමංකඩ ලුණු ලේවායේ ලුණු තොග මාර්තු මාසයේ මුල් සතියේදී වෙළඳපලට නිකුත් කළ හැකි බව එම ලුණු ලේවායේ අලෙවි කටයුතු බාර නිලධාරියා අද (19 )පැවසීය.
පලමු අදියරය යටතේ ලුණු මෙට්රික් ටොන් 750 ක ප්රමාණයක් වෙළඳපලට නිකුත් කළ හැකි අතර මාර්තු මාසයේදීම තවත් ලුණු මෙට්රික් ටොන් 800 ක් වෙළද පලට නිකුත් කරණ බවද ඔහු පවසයි.
අප්රේල් මාසයේ සිට සතියකට ලුණු මෙට්රික් ටොන් 400 බැගින් වෙළද පලට නිකුත් කළ හැකි අතර මාස් කන්නයේ වර්ෂා කාලයේදී ප්රයෝජනයට ගැනීම පිණිස තවත් ලුණු මෙට්රික් ටොන් 2000 ක ප්රමාණයක් සංචිත වශයෙන් තබා ගැනීමටද තීරණය කොට තිබේ.
2024 වසරේ අග භාගයේදී රටේ ප්රයෝජනය සඳහා සංචිත වශයෙන් ගබඩා කොට තිබූ ලුණු මෙට්රිරික් ටොන් 4000 කට වඩා වැඩි ප්රමාණයක් වර්ෂාව හේතුවෙන් විනාශ වී යාම නිසා ලුණු හිඟයක් ඇති වූ බව ප්රකාශ කරන අලිමංකඩ ලුණු ලේවායේ නිලධාරීන් මේ දිනවල උතුරු ප්රදේ ශයේ පවතින දඩි හිරු රශ්මිය හා වියලි කාලගුණික තත්ත්වය නිසා ලුණු නිෂ්පාදනය ඉතා ඉහළ මට්ටමකින් පවත්වා ගෙන යමට හැකියාව ලැබී ඇති බවද කියා සිටියි.
1938 වසරේදී ආරම්භ වූ අලිමංකඩ ලුණු ලේවාය අක්කර 1169 කින් සමන්විත වූවත් යුද්ධයෙන් පසුව මේ වන විට එම ලේවාය ක්රියාත්මක වන්නේ අක්කර 777 ක් තුළ පමණකි.
යුද්ධයට පෙර වසරකට මෙම ලේවායෙන් ලුණු මෙට්රික් ටොන් 80000 කට වඩා නිපදවා ගැනීමට හැකියාව ලැබී තිබුණද මේ වන විට ලේවාය විනාශ වීම ඉඩම් ප්රමාණය අඩුවීම යන කරුණුමත නිපදවා ගත හැකි වන්නේ ලුණු මෙටික් ටොන් 50000 ත් 60000 ත් අතර ප්රමාණයක් පමණක් බවද එහි නිලධාරීහු සඳහන් කොට සිටියහ.
