ශ්රියානි විජේසිංහ –
සෞඛ්ය අමාත්යංශය සිදුකරන හදිසි මිලදී ගැනීම් ජූනි මසය වන විට නතර කරන බවට සෞඛ්ය ඇමතිවරයා සදහන් කලද එය නතර වී නොමැති බව රජයේ වෛද්ය නිලධාරීන්ගේ සංගමය සඳහන් කරයි.
හදිසි මිලදී ගැනීම් සෞඛ්ය අමාත්යංශයේ ඇතැම් නිලධාරීන්ට කොමිස් ලබා ගැනීම සදහා නිර්මාණය කරන දෙයක් මිස ඉබේ නිර්මාණය වන දෙයක් නොවන බවත් එය එදත් අදත් හෙටත් ක්රියාත්මක වන කූඨ වැඩපිළිවෙලක් බවත් සංගමයේ ලේකම් වෛද්ය හරිත අලුත්ගේ පැවසුවේය.
නිසි ලෙස ඖෂධ කළමනාකරණය කරන්නේ නම් මෙසේ හදිසි මිලදී ගැනීම්වලට යාමට අවශ්ය නොවන බවද හෙතෙම පෙන්වාදේ.
මේ සම්බන්ධයෙන් තම සංගමය සෞඛ්ය ඇමතිවරයාව පසුගියදා දැනුවත් කළ බවත් එහිදී ජූනි මාසය වන විට හදිසි මිලදී ගැනීම් මුළුමනින්ම නතර කරන බව ඇමතිවරයා පොරොන්දු වූ නමුත් එම පොරොන්දුව මෙතෙක් ඉටු වී නොමැකි බවද සංගමය පෙන්වා දුන්නේය.
