අද (27) රාත්රියේ මීට ස්වල් වේලාවකට පෙර අම්බලන්ගොඩ දී තරුණයෙක් වෙඩි තබා ඝාතනය කර තිබේ.
අම්බලන්ගොඩ සුනාමිවත්ත ප්රදේශයේ නිවසක සාදයක් අතරතුර එහි සිටි පුද්ගලයෙකු ඉලක්ක කරගෙන හඳුනා නොගත් ඝාතකයින් දෙදෙනෙක් විසින් මෙම වෙඩි තැබීම සිදුකර පලා ගොස් තිබේ. මෙම ඝාතකයින් දෙදෙනා එක්වරම මතු වී ඇත්තේ නිවස අසල පිහිටි කැලෑබද ප්රදේශයකින් බව මූලික විමර්ශනවලදී අනාවරණය වී ඇත.
2026.01.27 දින රාත්රී අම්බලන්ගොඩ සුනාමිවත්ත ප්රදේශයේ නිවසක සාදයක් අතරතුර එහි සිටි පුද්ගලයෙකුට නාඳුනන පුද්ගලයින් දෙදෙනෙකු විසින් සිදුකල වෙඩි තැබීමකින් තුවාල ලබා ප්රථිකාර සඳහා බලපිටිය රෝහලට ඇතුලත් කිරීමෙන් පසු මියගොස් ඇත.
මරණකරු අවුරුදු 28 ක් වූ ගලබොඩ ප්රදේශයේ පදිංචිකරුවෙකි.
මෙම වෙඩි තැබීමට හේතුව මෙතෙක් අනාවරණය වී නොමැති අතර වෙඩි තැබීම සඳහා පිස්තෝල වර්ගයේ ගිනි අවියක් භාවිතා කර ඇති බවට පොලිසිය සැක කරනු ලබයි. සැකකරුවන් අත්අඩංගුවට ගැනීම සඳහා අම්බලන්ගොඩ පොලිසිය වැඩිදුර විමර්ශන සිදු කර ගෙන යනු ලබයි
