ශ්රී ලංකා පොලිස් ඉතිහාසයේ පළමු වරට අපරාධ පරීක්ෂණ දෙපාර්තමේන්තුවේ අධ්යක්ෂ ධූරයට කාන්තා නිලධාරිණියක් පත් කරීමට යෝජනා වී තිබේ.
මෙම තනතුරට යෝජනා වී ඇත්තේ දැනට අපරාධ පරික්ෂණ දෙපාර්තමේන්තුවේ නියෝජ්ය අධ්යක්ෂවරිය ලෙස කටයුතු කරන ජ්යෙෂ්ඨ පොලිස් අධිකාරී ඉමේෂා මුතුමාල ය.
ඇය ශ්රී ලංකා පොලිස් ඉතිහාසයේ අපරාධ පරීක්ෂණ දෙපාර්තමේන්තුවේ නියෝජ්ය අධ්යක්ෂවරිය ලෙස පත්වුන පළමු කාන්තා නිලධාරිණිය ද වූවාය.
ජ්යෙෂ්ඨ පොලිස් අධිකාරී ඉමේෂා මුතුමාල ශ්රී ලංකා පොලිස් ඉතිහාසය තුළ ඉතිහාසගත වන කාන්තා චරිතයකි. ශ්රි ලංකා පොලිස් ඉතිහාසයේ ප්රථම ආධුනික සහකාර පොලිස් අධිකාරීවරියන් තිදෙනා අතර ඉමේෂා මුතුමාල සිටින්නීය. ඇය ආධුනික සහකාර පොලිස් අධිකාරීවරියක ලෙස සේවයට එක් වන්නේ වර්ෂ 2007වසරේ නොවැම්බර් 03 දා ය. ඇය 2017 වසරේ මාර්තු 23 දා පොලිස්ස අධිකාරීවරියක ලෙස උසස්වීම් ලබන්නීය.
ඇය රුහුණු සරසවියේ විද්යාවේදී උපාධි ධාරිනියකි. එමෙන්ම විවෘත විශ්වවිද්යාලයේ නීතිවේදි උපාධිය සම්පූර්ණ කර තිබේ. ඇයව අපරාධ පරීක්ෂණ දෙපාර්තමේන්තුවේ නියෝජ්ය අධ්යක්ෂවරිය ලෙස පත් කරන්නේ වර්ෂ 2021 ජූනි මාසයේ දී ය.
දෙස් විදෙස් විශේෂ පුහුණු පාඨමාලා රැසක් පූර්ණ කර ඇති ඉමේෂා මුතුමාල වයස 60 සම්පුර්ණකර විශ්රාම ගැනීමට නියමිත වන්නේ වර්ෂ 2041 දී ය. මේ අනුව ශ්රී ලංකාවේ පොලිස්පති ධූරය කාන්තාවකට විවෘත වන්නේ නම් ඒ දක්වා යන අනාගත ගමනක් ඇය සතුව තිබේ.
