විශාල ආර්ථික අර්බුදයකට මුහුණ දී සිටින පාකිස්ථානය තවදුරටත් ආර්ථික පරිහානියකට පත්වෙමින් පවතින බවත් ඒ සඳහා නිසි විසදුම් සෙවීමට අපහෝසත් වී ඇති බවත් දිගින් දිගටම පෙනීයන බව ආර්ථික විශ්ලේෂකයින් විසින් පෙන්වා දෙයි.
පකිස්ථාන සංඛ්යාලේඛන කාර්යාංශය විසින් ඉකුත් මැයි 11 වැනිදායින් අවසන් වන සතිය සඳහා සංවේදී මිල දර්ශකය ඉකුත් වර්ෂයේ එම කාලයට සාපෙක්ෂවය සියයට හතලිස් අටකින් ඉහළ ගොස් ඇති බවට ගණනය කර ඇත.
මේ අතරම මහා පිරිමාන නිෂ්පාදන අංශයේ දර්ශක 2022 ජුලි මාසයේ සිට 2023 වර්ෂයේ මාර්තු දක්වා කාලය තුලදී සියයට අටක සෘණ වර්ධනයක් පෙන්වා ඇති බවද අනාවරණය වේ.
මෙම තත්ත්වය ප්රධාන හේතුවෙක් වී ඇත්තේ දේශපාලන හේතූන් මත බදු දැල පුළුල් කිරීමේ වෑයම අඩාල කර දැමීමයි. එහිදී ඉතා සූළු ආදායම් බදු ලැබීමක් පමණක් වාර්තා වන අතර මීට පාකිස්ථානය තුල ගෙන ඇති දෝෂ සහිත ආර්ථික ප්රබල සාධකයක් වි තිබේ.
රජයේ බදු ආදායම් ඉතා පහළ මට්ටමක පැවතියද රාජ්ය වියදම් පසුගිය කාලය පුරාවටම ඉහළ යාමක් පාකිස්තානයෙන් දක්නට ලැබෙන බවටද වාර්තාවේ. මෙම තත්ත්ය හමුවේ පාකිස්ථානයේ ආර්ථික තත්ත්වය යහපත් අතට පත් කිරීමට දැඩි අභියෝගකාරී තත්ත්වයකට පත්ව ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මෙහිදී පාකිස්තාන රජයට එල්ල වන ප්රබල චෝදනාවක් වන්නේ ඔවුන් ඉහළ පාන්තික ජනතාවගේ අවශ්යතා ඉටු කිරීමට පමණක් කටයුතු කරන බවයි. ඒ අනුව ධනවතුන්ට පනවන ආදායම් බදු ඉතා පහළ මට්ටමක පවත්වාගනිමින් ඔවුන්ගේ උන්නතියට පමණක් කටයුතු කරන බවටද මෙහිදී චෝදනා එල්ල වේ.
