ඒ පුංචි පැටියා තවත් නැත. ඔහු අද දහවල් අප අත්හැර ගියේය. ඒ පාසල් වේලාවේ පාසල තුළ දී කඩා වැටුණ ගසකට යට වීමෙනි.
මියගොස් තිබුණේ ගම්පොල බෙන් හිල් ජාත්යාන්තර පාසලේ පෙරපාසල් පන්තියක අධ්යාපනය ලබමින් සිටි මෙහොමඩ් සෙයිම් අස්වී නැමැති පස් වියැති දරුවෙකි. පුංචි අස්වී දරුවන් දෙදෙනෙකු සහිත පවුලක වැඩිමලාය. පාසල් දිවා විවේක කාලය තුළ දී සෙල්ලම් කරමින් සිටි මේ පුංචි පැටියාගේ සිරුර මත මේ විසල් ගස කඩා වැටී තිබිණි.
අනතුරින් අස්වී මිය ගියේය. තවත් දරුවෝ දෙදෙනෙක් තුවාල ලැබූහ. එක් දරුවෙක් ගම්පොල රෝහලේය. තරමක බරපතල තත්ත්වයේ පසුවන අනෙන් නොදරුවා මහනුවර මහ රෝහලේය.
සිද්ධිය පිළිබඳ පරීක්ෂණ පවත්වන ඇත්ගාල පොලිසිය පවසන පරිදි ගම්පොල බෙන් හිල් ජාත්යන්තර පාසල පෙර පාසලේ සිට උසස් පෙළ දක්වා පන්ති පැවැත්වෙන්නේය. පාසලේ ගොඩනැගිලි කීපයකි. පෙර පාසල් කොටසේ පන්ති හතරකි.
අද දහවල් පෙර පාසල් විවේක කාලය තුළ එයින් එක් පන්තියක සිටි ළමුන් තිස් එක් දෙනකු මිදුලේ සෙල්ලම් කරමින් සිට ඇත. ඒ අතර සුළඟක් හමා ගොස් තිබේ. එම හුළඟට අනාරක්ෂිතව පැවති කුඩු දවුල ගසක් ළමුන් අතරට කඩා වැටී ඇත. දෙමව්පියන් පවසන්නේ පාසල් බැම්මෙන් එපිට තිබූ මෙම ගස අනාරක්ෂිතව පැවති බවය.
මේ සිද්ධිය සමගම වහාම තුවාල ලද දරුවන් ගම්පොල ශික්ෂණ රොහල වෙත ගෙන ගොස් ඇති අතර පුංචි අසවී මිය ගොස් ඇත්තේ ගම්පොල රොහලේදීමය. ඔහුව මහනුවර රෝහල හෝ වෙනත් පහසුකම් සහිත රෝහලකට ගෙනයෑමට ඉඩක් ලැබුනේ නැත. බරපතල තත්ත්වයේ සිටි තවත් දරුවකු මහනුවර ජාතික රෝහල මාරු කර යැව්වේය. අනෙක් දරුවා ගම්පොල රෝහලේ ප්රතිකාර ලබන්නේය.
වැඩිහිටියන්ගේ නොසැලකිල්ල ද කරුමය ද දන්නේ නැත. දැන් අස්වී අප අතර නැත. තවත් දරුපැටියෙක් ලෙඩ ඇඳේ මරණය සමග සටනකය. සිද්ධිය වූ පසු අනාරක්ෂිත ගස් ගැන චෝදනා කරන මිනිස්සු මේ සම්බන්ධව මීට දිනකට කලින් අවශ්ය පිළියම් යෙදුවානම් පාසල් භූමිය තුළ පාසලට පැමිණි නොදරුවෙක් මිය යන්නේ නැති බව කිව යුතුව ඇත.
ගම්පොළ කොට්ඨාස භාර ජ්යෙෂ්ඨ පොලිස් අධිකාරී අසංක බණ්ඩාර ගුණතිලකගේ උපදෙස් මත පොලිස් අදිකාරී රොෂාන් අමරසිංහ ඇත්ගාල පොලිස් ස්ථානාධිපති ප්රධාන පොලිස් පරීක්ෂක සෙනරත් කැකුලන්දර ඇතුළු නිලධාරී කණ්ඩායමක් පරීක්ෂණ පැවැත්වූහ.
