යතුරුපැදියකින් පැමිණි පුද්ගලයින් දෙදෙනෙක් අද (25) අළුයම 2.35ට පමණ කොල්ලුපිටිය, ආර්.ඒ.ද මෙල් මාවතේ පිහිටි ප්රකට පුද්ගලික සංගීත විද්යාලයක් පිහිටි ගොඩනැගිල්ලට වෙඩි ප්රහාර මාලාවක් එල්ල කිරීම සම්බන්ධව කොල්ලුපිටිය පොලිසිය විමර්ශන ආරම්භ කර තිබේ.
යතුරුපැදියකින් පැමිණි පුද්ගලයින් දෙදෙනා ටී.56 ගිනි අවියකින් මෙම වෙඩි ප්රහාරය එල්ල කර ඇත්තේ කොල්ලුපිටි Yamaha School of Music & Arts | Colombo සංගීත විද්යාලයේ ගොඩනැගිල්ලට සහ ගේට්ටුව වෙතය.
අසල සීසීටීවී කැමරාවක වෙඩි තබන ආකාරය සටහන් වී ඇති ආකාරයට මෙම ප්රහාරය එල්ල කර ඇත්තේ යතුරු පැදියෙන් පැමිණි පසු පැදිකරු බව පොලිසිය පවසයි. මූලික විමර්ශනවලදී අනාවරණය වී ඇති පරිදි වෙඩි පහර 15ක් පමණ ගොඩනැගිල්ලට එල්ල වී ඇත.
වෙඩි තැබීමෙන් කිසිවෙකුටත් හානි සිදුව නැත. වෙඩි තැබීම කුමන අරමුණකින් සිදුකරන ලද්දක් ද යන්න පිළිබඳව ද කරුණු අනාවරණය වී නොමැත. කොල්ලුපිටිය පොලිසිය ඒ පිළිබඳ වැඩිදුර විමර්ශන පවත්වයි.
