ව්යවස්ථාදායක සභාව සඳහා සිවිල් සමාජ නියෝජිතයන් තිදෙනා පත් කිරීම සම්බන්ධයෙන් අගමැතිනිය සහ විපක්ෂ නායකවරයා එකඟතාවකට පැමිණ තිබේ.
ඒ අනුව මහාචාර්ය වසන්තා සෙනෙවිරත්න, ඔස්ටින් ප්රනාන්දු සහ රංජිත් ආරියරත්න ව්යවස්ථාදායක සභාවේ සිවිල් සමාජ නියෝජිතයින් ලෙස නම් කිරීමට එකඟ වී ඇත.
ව්යවස්ථාදායක සභාවේ වත්මන් සිවිල් සමාජ සාමාජිකයන් වන වෛද්ය අනුලා විජේසුන්දර, ආචාර්ය ප්රතාප් රාමානුජම් සහ මහාචාර්ය දිනේෂා සමරරත්න යන සාමාජිකයින්ගේ නිල කාලය පසුගිය 16 දා අවසන් වූ අතර, ඒ සඳහා නව පත්වීම් සම්බන්ධයෙන් අග්රාමාත්යවරිය සහ විපක්ෂ නායකවරයා අතර සාකච්ඡා අඛණ්ඩව පැවැත්විණි.
ආණ්ඩුක්රම ව්යවස්ථාවට අනුව, ව්යවස්ථාදායක සභාව නියෝජනය කරන සිවිල් සමාජ සාමාජිකයන් පත් කළ යුත්තේ අග්රාමාත්යවරයාගේ සහ විරුද්ධ පක්ෂයේ නායකවරයාගේ එකඟත්වය මත කථානායකවරයා විසිනි.
ඒ අනුව ව්යවස්ථාදායක සභාවේ සිවිල් සමාජ නියෝජිතයන් ලෙස පහත නම් යෝජනා වී ඇත.
- මහාචාර්ය වසන්තා සෙනෙවිරත්න – දැනට ශ්රී ලංකාවේ කොළඹ විශ්වවිද්යාලයේ නීති පීඨයේ රාජ්ය නීතිය හා ජාත්යන්තර නීතිය පිළිබඳ ජ්යෙෂ්ඨ මහාචාර්යවරිය ලෙස සේවය කරයි. ඇය කොළඹ විශ්වවිද්යාලයට අනුබද්ධ ප්රමුඛ පර්යේෂණ ආයතනයක් වන මානව හිමිකම් අධ්යයන මධ්යස්ථානයේ (Centre for the Study of Human Rights – CSHR) අධ්යක්ෂවරියද වේ.
- ඔස්ටින් ප්රනාන්දු – ආරක්ෂක අමාත්යාංශයේ ලේකම් ධුරය, ජනාධිපති ලේකම් ධූරය ඇතුළු දරමින් රාජ්ය සේවයේ උසස් වගකීම් රැසක් දරා ඇති අතර, පෞද්ගලික සහ අන්තර්ජාතික ආයතනවල වගකීම් දැරූ නිලධාරියෙකි.
- රංජිත් ආරියරත්න – ශ්රී ලංකා පරිපාලන සේවයේ විශේෂ ශ්රේණියේ නිලධාරියකු වන ඔහු අමාත්යාංශ රැසක ලේකම්ධු රය දැරූ කීර්තිමත් රාජ්ය නිලධාරියෙකි.
10 දෙනෙකුගෙන් යුත් ආණ්ඩුක්රම ව්යවස්ථා සභාවේ සංයුතිය පහත පරිදිය :-
- අග්රාමාත්යවරයා – නිල බලයෙන්
- කථානායකවරයා – නිල බලයෙන්
- පාර්ලිමේන්තුවේ විරුද්ධ පක්ෂයේ නායකවරයා – නිල බලයෙන්
- ජනාධිපතිවරයා විසින් පත් කෙරෙන එක් පාර්ලිමේන්තු මන්ත්රීවරයෙක්
- පහත සඳහන් පරිදි නාමයෝජනා කරනු ලැබ ජනාධිපතිවරයා විසින් පත් කෙරෙන තැනැත්තන් පස් දෙනෙක්: –
- ආණ්ඩුව නියෝජනය කරන පාර්ලිමේන්තු මන්ත්රීවරයන් බහුතරයකගේ එකඟත්වය මත නාමයෝජනා කරනු ලබන එක් පාර්ලිමේන්තු මන්ත්රීවරයෙක්
- විරුද්ධ පක්ෂයේ නායකවරයා අයත් වන දේශපාලන පක්ෂයේ හෝ ස්වාධීන කණ්ඩායමේ පාර්ලිමේන්තු මන්ත්රීවරුන්ගේ බහුතරයකගේ එකඟත්වය මත නාමයෝජනා කරනු ලබන එක් පාර්ලිමේන්තු මන්ත්රීවරයෙක්
- අග්රාමාත්යවරයාගේ සහ විරුද්ධ පක්ෂයේ නායකවරයාගේ එකඟත්වය මත කථානායකවරයා විසින් නාමයෝජනා කරනු ලබන තැනැත්තන් තිදෙනෙක්
- ආණ්ඩුව නියෝජනය කරන පාර්ලිමේන්තු මන්ත්රීවරයන් සහ විරුද්ධ පක්ෂයේ නායකවරයා අයත් වන දේශපාලන පක්ෂයට හෝ ස්වාධීන කණ්ඩායමට අයත් පාර්ලිමේන්තු මන්ත්රීවරයන් නොවන පාර්ලිමේන්තු මන්ත්රීවරයන්ගේ එකඟත්වය මත නාමයෝජනා කර ජනාධිපතිවරයා විසින් පත් කරනු ලබන එක් පාර්ලිමේන්තු මන්ත්රීවරයෙක්.
