සිංහල හා හින්දු අලුත් අවුරුදු සමයේ ක්රියාත්මක කළ විශේෂ බස් රථ සේවා මගින් ශ්රී ලංකා ගමනාගමන මණ්ඩලය (ලංගම) දින හයක් ඇතුළත රුපියල් බිලියනයකට අධික ආදායමක් උපයා තිබේ.
මෙය ලංගම ඉතිහාසයේ වාර්තා වූ ඉහළම ආදායම බව එම මණ්ඩලයේ සභාපති සජීව නන්දන කනකරත්න සඳහන් කරයි.
මෙම තත්ත්වය ඇති වන්නේ දිට්වා සුළි කුණාටුවෙන් පසු උඩරට දුම්රිය ගමන රඹුක්කනට පමණක් සීමා වි ඇති පරිසරයක උඩරට දුම්රියේ රඹුක්කනින් ඉහළට ගමන් කළ මගී ධාරිතාව ද කළමනාකරණය කිරීමට ලංගමට සිදුවූ වටපිටාවක දී ය.
මේ මෙහෙයුම සඳහා ලංගම විසින් බස් රථ 1500ක අමත ඇනියක් සාමාන්ය ධාවන කාලසටහන්වලට අමතරව කොළඹ සිට සෑම පළාතක්ම ආවරණය වන පරිදි යොදවා තිබිණි. ජාතික ගමනාගමන කොමිෂන් සභාව (NTC) සමඟ සම්බන්ධීකරණය වෙමින් ක්රියාත්මක කළ මෙම සේවාවන් හරහා ජනතාවට කාර්යක්ෂම ප්රවාහන පහසුකම් සැලසීමට හැකි වූ බව මණ්ඩලය පවසයි.
සභාපතිවරයාට අනුව මේ වටපිටාවේ දී උක්ත දින හයක කාලය තුළ එක් දිනකදී ලැබූ ඉහළම ආදායම් වාර්තාව ද අලුත් කිරීමට ද ලංගමයට හැකි වී තිබේ.
නිවාඩු අවසන් වී යළි කොළඹ බලා පැමිණෙන ජනතාව වෙනුවෙන් ද ඉදිරි දින කිහිපය තුළ විශේෂ බස් රථ සේවා පිට පළාත්වල සිට කොළඹට අඛණ්ඩව ක්රියාත්මක කරන බව ලංගම නිලධාරීහු වැඩිදුරටත් සඳහන් කරති.
