ශ්රියානි විජේසිංහ –
මහරගම අපේක්ෂා රෝහලේ නේවාසිකව ප්රතිකාර ලබන සහ ප්රතිකාර ලබා ගැනීමට පැමිණෙන රෝගීන්ට ලබාදෙන තැඹිලි දානයන් වහාම ක්රියාත්මක වන පරිදි නතර කිරීමට රෝහල් පරිපාලනය තීරණය කර ඇති බව රෝහල් ආරංචි මාර්ග සඳහන් කරයි.
පරිත්යාගශීලීන් පිළිකා රෝගීන් වෙනුවෙන් ලබා දෙන තැඹිලි දානය නිසි සෞඛ්ය ක්රමවේදවලින් තොරව ලබා දීමට දිගින් දිගටම කටයුතු කිරීම හේතුවෙන් මෙම තීරණය ගත් බව ලංකාසර කළ විමසුමකදී රෝහල් ප්රකාශකයෙක් සඳහන් කළේය.
පිළිකා රෝගීන්ට ලබා දෙන ඖෂධ හේතුවෙන් ඔවුන්ගේ ප්රතිශක්තිකරණය අඩුවීම තුළ ඔවුන් නිරන්තරයෙන්ම විවිධ ආසාදනයන්ට ලක්වෙන බැවින් ලබා දෙන ආහාරපාන ඉතා පිරිසිදුව ලබා දීම ඉතාමත් වැදගත් බව එම ප්රකාශකයා සඳහන් කළේය.
ඇතැම් අවස්ථාවන් වලදී පරිත්යාගශීලීන් තැඹිලි දානයන් දීමේදී ඒවායේ පිරිසිදුබව ඉතාමත් අවම බව කරන ලද නීරීක්ෂණයන්ගෙන් පෙනී ගිය බැවින් තැඹිලි දානයන් දීම තාවකාලිකව නතර කළ බවද හෙතෙම පැවසුවේය.
ඇතැම් විට පිළිකා රෝගීන්ට විවිධ ආසාදනයන් මතුවුවහොත් ඔවුන්ට ප්රතිජීවක ඖෂධ විශාල වශයෙන් ලබා දීමට ද සිදුවන අතර ඔවුන්ගේ ජිවිත පවා සුවපත් කිරීමට ඉතා අසීරුවිය හැකි බැවින් මෙම පියවර ගත් බව එම ප්රකාශකයා පැවසුවේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
පිළිකා රෝගීන්ට පරිත්යාගශීලීන් ලබා දෙන තැඹිලි දානයන් ඉතා පිරිසිදුව ලබා දීම සඳහා නිසි ක්රමවේදයකට අනුව නව වැඩපිළිවෙලක් සකස් කිරීම කෙරෙහි මේ වනවිට රෝහල් පරිපාලනයේ අවධානය යොමු වී තිබේ.
