ඉඳුනිල් කහටපිටිය –
-
දැරිය චීවරධාරියාට මුදලට විකුණා අපරාධයට ආධාර අනුබල දුන් දැරියගේ මව අත් අඩංගුවට ගෙන රක්ෂිත බන්ධනාගාරගත කරයි…
බාල වයස්කාර දැරියක් දූෂණය කිරීමේ චෝදනා මත අටමස්ථානාධිපති චීවරධාරී පල්ලේමග හේමරතන අත් අඩංගුවට ගැනිමට නියමිත බව පොලිසිය නිල වශයෙන් නිවේදනය කර තිබේ.
මේ වනවිට දැරිය අපහරණය කිරිම සහ මුදලට විකිණීමේ චෝදනා මත වින්දිත දැරියගේ මව පොලිසිය විසින් අත් අඩංගුවට ගෙන අධිකරණයට ඉදිරිපත් කිරීමෙන් අනතුරුව 2026.05.15 දක්වා රක්ෂිත බන්ධනාගාරගත කර තිබේ.
එමෙන්ම චීවරධාරී අටමස්ථානාධිපති පල්ලේගම හේමරතනට අධිකරණය මගින් විදෙස් ගමන් තහනමක් පනවා තිබේ.
මේ සිද්ධිය මුලින්ම හෙළිදරවු වන්නේ පසුගිය මාර්තු මස 06 වැනිදා බාල වයස්කාර දැරියක් අපරහරණය කර රඳවාගෙන සිටින බවට නිට්ටඹුව පොලිස් ස්ථානයට ලැබුණු පැමිණිල්ලක් මත සිදුකළ විමර්ශනයට අදාලව සැකකරු අත් අඩංගුවට ගෙන අත්තනගල්ල මහේස්ත්රාත් අධිකරණය වෙත ඉදිරිපත් කළ අවස්ථාවේ දී ය. වින්දිත බාල වයස්කාර දැරිය අධිකරණ නියෝග මත රාගම ළමා සුරක්ෂා මධ්යස්ථානයේ රඳවා ඉදිරි විමර්ශන පොලිසිය විසින් ආරම්භ කළේය.
එම විමර්ශනවලදී දැරිය හෙළිදරවු කරන්නේ තමන් මුලින්ම දූෂණය කළේ අත් අඩංගුවට පත් සැකකරු නොවන බවත් එය සිදුවන්නේ චීවරධාරී අටමස්ථානාධිපති පල්ලේගම හේමරතන විසින් බවත්ය. දැරිය චීවරධාරියාගේ කාමුක අභිලාෂයන් සන්තර්පනය සඳහා ඔහු වෙත අලෙවි කර ඇත්තේ ඇයගේ මව විසින් බව විමර්ශනවලදී අනාවරණය විය.
මේ ප්රකාශයත් සමග ගම්පහ ජ්යෙෂ්ඨ පොලිස් අධිකාරීගේ අධීක්ෂණය මත අත්තනගල්ල සහකාර පොලිස් අධිකාරීගේ ඍජු අධීක්ෂණයෙන් නිටටඹුව මූලස්ථාන පොලිස් පරීක්ෂක සහ ළමා සහ කාන්තා කාර්යාංශය මගින් විමර්ශනයක් ආරම්භ කර තිබුණේය. රට පුරා මේ දක්වා ආන්දෝලනයට ලක් වී තිබුණේ මේ විමර්ශන සිද්ධිය ය.
විමර්ශන නිලධාරීන් ඒ අනුව දැරිය මුලින්ම දූෂණයට ලක්වන චීවරධාරී පල්ලේගම හේමරතන කලින් අධිකාරිත්වය දැරූ රුවන්වැලි මහා සෑයේ ආවාසයේ ස්ථානීය පරීක්ෂණයක් සිදුකරනු ලැබුවේය. අනතුරුව පුද්ගල විද්යාත්මක සහ පර්යේෂණ සාක්ෂි ලබා ගත්තේය. අනතුරුව අනුරාධපුර මහේස්ත්රාත් අධිකරණය වෙත ඉදිරිපත් කර අධිකරණ නියෝගයක් මත නඩු භාණ්ඩ රජයේ රස පරීක්ෂක වෙත යොමු කරනු ලැබුවේය.
සිද්ධියේ වැඩි දුර විමර්ශන නිට්ටඹුව මූලස්ථාන පොලිස් සථානයේ විමර්ශන නිලධාරින් විසින් අනුරාධපුර අධිකරණයට ඉදිරිපත් කරන්නේ අද දිනයේ දී ය. වින්දිත දැරියගේ වීඩියෝ සාක්ෂි පටිගත කිරීම සඳහා ජාතික ළමා රක්ෂණ අධිකාරිය වෙත අධිකරණය නියෝග ලබා දුන්නේ අදය.
නඩුවේ සැකකරුවන් ලෙස චීවරධාරී අටමස්ථානාධිපති පල්ලේගම හේමරතන නම් කරනු ලැබුවේය. වින්දිත දැරියගේ මවත් සැකකාරියක ලෙස නම් කළේය.
ඒ අනුව අටමස්ථානාධිපති චීවරධාරී පල්ලේගම හේමරතන අත් අඩංගුවට ගැනීමට නියමිතය. වින්දිත දැරියගේ මව දැරිය මුදලට විකිනීම සහ අපරාධයට ආධාර අනුබල දීම සම්බන්ධව අද අත් අඩංගුවට ගෙන අධිකරණයට ඉදිරිපත් කිරීමෙන් පසු ලබන 15 දා තෙක් රක්ෂිත බන්ධනාගාරගත කර ඇත.
මේ සම්බන්ධයෙන් නිට්ටඹුව පොලිස් ස්ථානයේ ළමා සහ කාන්තා කාර්යාංශය වැඩිදුර විමර්ශන සිදුකරන්නේය. පහත දැක්වෙන්නේ ඒ සම්බන්ධව නිකුත් කර ඇති නිල පොලිස් නිවේදනය ය.
