වයස අවුරුදු 20ට වැඩි සියලුම දෙනාට ෆයිසර් එන්නත බූර්ස්ටර් එන්නත ලබා දීමට සෞඛ්ය අමාත්යංශය තීරණය කර ඇත.
මේ සම්බන්ධයෙන් වන චක්රලේඛය වහාම නිකුත් කිරිමට සෞඛය සේවා අධ්යක්ෂ ජනරාල් විශේෂඥ වෛද්ය අසේල ගුණවර්ධන කටයුතු කරනු ඇතැයි නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන් හේරත් සදහන් කළේය.
ප්රදේශයේ සෞඛ්ය වෛද්ය නිලධාරී කාර්යාලය මගින් දැනුවත් කළ පසුව තමන්ට අදාළ කාර්යාලය වෙත ගොස් එන්නත ලබා ගන්නැයිද අනවශ්ය කලබල ඇති කර නොගන්නැයිද නියෝජ්ය අධ්යක්ෂ ජනරාල්වරයා මහජනතාවගෙන් ඉල්ලා සිටියි.
වයස අවුරුදු 30ට වැඩි සියලුම දෙනාට බූස්ටර් එන්නත ලබා දීමට අද සිට ක්රියාත්මක වූ නමුත් එම වයස් සිමාව 20 දක්වා වැඩි කිරිමට අද දිනයේදී තීරණය කළ බව වෛද්ය හේරත් මහතා පැවසීය.
මීට අමරතව වයස අවුරුදු 12 – 15 අතර දරුන්ටද ෆයිසර් එන්නත එක් මාත්රාවක් ලබා දීමට තීරණය කළ බවත් ඉදිරියේදී අධ්යාපන අමාත්යංශය සමග එක්ව මෙය පාසල් තුළ ක්රියාත්මක කිරිමට කටයුතු කරන බවද වෛද්ය හේමන්ත හේරත් මහතා සදහන් කළේය.
තවද මෙ වන විට වයස අවුරුදු 16 – 19 අතර දරුවන්ට ලබා දුන් ෆයිසර් එන්නතේ දෙවන මාත්රාවක් ලබාදීමට ද ඉදිරියේදී කටයුතු කරන බවද හෙතෙම අවධාරණය කලේය.
සේවා ස්ථානයන් වෙත ගොස් වයස අවුරුදු 18 ට වැඩි සියලුම දෙනා සදහා ෆයිසර් බූස්ටර් එන්නත ලබා දීමටද ඉදිරියේදී කටයුතු කරන බව හෙතෙම පැවසීය.
ඔමික්රෝන් වයිරසය පැතිරීම වළක්වා ගැනීමේ අදහසින් හා ජනජීවිතය ආරක්ෂා කර ගැනීමේ අදහසින් මෙම වැඩ පිලිවෙල ක්රියාත්මක කරන බව සෞඛ්ය අමාත්යංශය සදහන් කරයි.
