ඊයේ (19) රාත්රියේ දී විශේෂ කාර්ය බලකාය වෙඩි පහරකට ලක්ව පුද්ගලයෙක් ඝාතනය වී තිබේ.
මේසේ ඝාතනය වී ඇත්තේ 2023.06.20 වන දින හෝමාගම ප්රදේශයේ අංක 60, නියදගල, පන්නිපිටිය ලිපිනයේ පදිංචි චමිල සංජීව පෙරේරා නොහොත් “චමිල කොටා” නැමැත්තාට වෙඩි තබා ඝාතනය කිරීමේ සිද්ධිය සම්බන්ධ ප්රධාන වෙඩික්කරු ලෙස සැක කරන මාබොදල පදිංචි වයස අවුරුදු 29 ක් වන මානික්කුගේ කසුන් ලක්ෂිත සිල්වා නැමැති තරුණයෙකි.
මෙම සැකකරු අත්අඩංගුවට ගැනීමට යාමේදී පොලිස් විශේෂ කාර්ය බලකායේ නිලධාරීන් හා සැකකරු අතර සිදු වූ වෙඩි හුවමාරුවකින් සැකකරු ජීවීතක්ෂයට පත් වූ බව පොලිස් විශේෂ කාර්ය බලකාය ප්රකාශ කර ඇත.
විශේෂ කාර්ය බලකාය පවසන්නේ වෙඩික්කරු විසින් ටී 56 අවියකින් වැටලීම කළ නිලධාරීන් වෙත වෙඩි තැබූ බවත්, එහ නිලධාරීන් විසින් එල්ල කරන ලද ප්රති වෙඩි ප්රහාර හේතුවෙන් සැකකරු තුවාල ලබා මිනුවන්ගොඩ රෝහලට ඇතුළත් කිරීමෙන් අනතුරුව මිය ගිය බවත්ය.
විශේෂ කාර්ය බලකාය නිලධාරියකු ද සුළු තුවාල ලබා වැඩිදුර ප්රතිකාර සඳහා මිනුවන්ගොඩ රෝහල වෙත ඇතුළත් කර ඇතැයි පැවසේ.
ඝාතනය වූ සැකකරු, සංවිධානාත්මක අපරාධකරුවකු හා මහා පරිමාණ මත්ද්රව්ය ජාවාරම් කරුවෙකුවන දැනට විදේශගතව සිටින මානික්කුගේ නුරේෂ් සුපුන් දයාරත්න නොහොත් හීනටියන මහේෂ් මල්ලි යන අයගේ හා හෝමාගම ප්රදේශයේ සංවිධානාත්මක අපරාධකරුවෙක් වන හඳයා යන අයගේ ප්රධාන ගෝලයෙකු බව ද විශේෂ කාර්යය බලකාය විසින් ප්රකාශ කර ඇත. ටී 56 ගිනි අවියක් සහ මැගසින් එකක් ද ඝාතනයට ලක් වූ පුද්ගලයා සතුව තිබී අත්අඩංගුවට ගත් බව ද ඔවුහු පවසති.
ඝාතනය වූ පුද්ගලයා නාවික හමුදාවෙන් පලා ආ සෙබළෙකි. සිද්ධිය පිළිබඳ වැඩිදුර විමර්ශන කටයුතු මිනුවන්ගොඩ පොලිස් ස්ථානය මගින් සිදු කරනු ලබයි.
