නියමිත වීසා කාලය ඉක්මවමින් මෙරට තුළ රැඳී සිටින රුසියානු යුක්රේන සහ ඊශ්රායල ජාතික සංචාරකයන් සොයා ඔවුන් රටින් පිට කිරීමේ මෙහෙයුමක් ආරම්භ කිරීම සඳහා ආගමන විගමන දෙපාර්තමෙන්තුව සැරසෙන බව වාර්තා වේ.
මේ පිළිබඳව වාර්තා කරන ඩේලි මිරර් පුවත් පත සඳහන් කරන්නේ ලබන මාසයේ (නොවැම්බර්) මුල සිට එම මෙහෙයුම ආරම්භ කිරීමට මේ වනවිට පියවර ගනිමන් සිටින බවයි. විශේෂයෙන් දකුණු වෙරළ තීරය ආශ්රිතව මෙම නිලධාරීන් එවැනි සංචාරකයන් සම්බන්ධයෙන් විමසිලිවත් වනු ඇතැයි වාර්තා වේ.
දකුණු වෙරළබඩ තීරය සඳහා සංචාරක සමය නොවැම්බර් මාසයේ ආරම්භ වන අතර මාර්තු සහ අප්රේල් දක්වා පවති. එකී කාලය තුළ බටහිර සහ නැගෙනහිර රටවල් ගණනාවකින් විදේශීය සංචාරකයින් පැමිණෙනු ඇති බවට පුරෝකතනය කර ඇත. ඒ අනුව ආගමන හා විගමන දෙපාර්තමේන්තුවේ නිලධාරියෙකු උපුටා දක්වන ඩේලි මිරර් පුවත් පත වාර්තා කරන්නේ සාමාන්යයෙන් නොවැම්බර් සිට අප්රේල් දක්වා සහ මැයි සිට සැප්තැම්බර් දක්වා පිළිවෙලින් දකුණු සහ නැගෙනහිර වෙරළබඩ තීරයේ විශේෂ නිරීක්සණ සංචාර පවත්වන බවයි.
මෙරට පැමිණෙන බොහෝ සංචාරකයින්ට දින 30ක සංචාරක වීසා බලපත්රයක් ලැබෙන අතර එම වීසා කාලය අවසන් වූ පසු ඇතැම් සංචාරකයෝ දිගුවක් සඳහා ඉල්ලුම් කරතිඑහෙත් එවැනි වලංගු අවසර වීසා පතක් නොමැතිව මෙරට ඉහත රටවල සංචාරකයන් රැඳී සිටින බව නිරීක්සණය වී ඇ.ැයි සඳහන් වේ.
දෙපාර්තමේන්තු නිලධාරීන් පසුගිය මාර්තු සහ ජුනි මාසවලදී ආරුගම් බොක්ක ඇතුළු නැගෙනහිර වෙරළ තීරයේ සංචාරය කර ඇති නමුත් ඊශ්රායල ජාතිකයන් ඇතුළු වැඩි කාලයක් රැඳී සිටි සංචාරකයින් අත්අඩංගුවට ගැනීමට නොහැකි වූ බව එම ආගමන විගමන නිලධාරියා පවසා ඇත. .
