අපරාධ පරීක්ෂණ දෙපාර්තමේන්තුව භාරයේ සිටින සංවිධානාත්මක අපරාධ කල්ලි නායකයෙක් වූ නදුන් චින්තක නොහොත් හරක් කටාට අපරාධ පරීක්ෂණ දෙපාර්තමේන්තුවෙන් පැන යෑමේ සැලසුමක් සඳහා ආධාර අනුබල දුන් බව කියන පොලිස් සැරයන්වරයෙක් ත්රස්ත මර්ධන හා විමර්ශන කොට්ඨාසය මගින් ඊයේ (06) අත් අඩංගුවට ගෙන තිබේ.
මෙම සැරයන්වරයා මාතර කොට්ඨාස අපරාධ විමර්ශන අංශයට අනුයුක්තව සේවය කරන 36 හැවිරිදි පුද්ගලයෙක් බවත්, ඔහු ඩුබායි සිට අපරාධ මෙහෙයවනු ලැබූ සංවිධානාත්මක අපරාධකරුවෙක් වූ මිදිගම රුවන් සමගද වට්ස් ඇප් මගින් සම්බන්ධතා පවත්වා ඇති බව විමර්ශන අංශ කියයි.
මෙම සැකකාර සැරයන්වරයාගේ අපරාධ සම්බන්ධය හෙළිදරව් කරගෙන ඇත්තේ හරක්කටාට පැන යෑමේ සැලසුම ක්රියාත්මක කිරීම සඳහා සම්බන්ධ වි සිටි සුද්දා නැමැති සැකකරු සම්බන්ධව කරන විමර්ශනයක දී ය.
හරක්කටාට අපරාධ පරීක්ෂණ දෙපාර්තමේන්තුවන් පැනයෑමේ සැලසුමට අදාල තොරතුරු තොරතුරු වසන් කිරීම, ඒ සඳහා ආධාර අනුබලදීම යන චෝදනා මත අත් අඩංගුවට ගත් සැකකරු පොලිස්පති නියමයෙන් ත්රස්තවාදය වැලැක්වීමේ පනත යටතේ අත් අඩංගුවට ගෙන වැඩිදුර විමර්ශන පවත්වයි.
