පාසල් ක්රිකට් වංශකතාවේ වර්ණවත්ම මහා තරගය ආරම්භ වී තිබේ. කොළඹ එස්.එස්.සී පිටිය ආලෝකමත් කරන 145 වැනි රාජකීය ශාන්ත තෝමස් මහා තරගය පළමු දිනයේ මුල් කාර්තුව නිමා වී තිබේ.
කාසියේ වාසිය දිනූ රාජකීය කණ්ඩායම පන්දු රැකීම තෝරා ඇත්තේ පිතිකරණයට උචිත තණ තීරුවකය. බොහෝ විට තීරණයක් සහිතව නිමා වන තුන් දින මහා තරගයේ අවසන් දිනයේ තණතීරුවේ හැසිරීම සම්බන්ධව කරනු ලබන පුරෝකථනයන් මත රාජකීය කණ්ඩායම පන්දු රැකීම තේරූ බව තණ තීරුව සම්බන්ධව විචාරයක් කළ හිටපු රාජකීය නායක ගාමිණී පෙරේරාගේ විශ්ලේෂණය කියා පෑවේය.
කෙසේ වෙත්ත තරගයේ මුල් අර්ධයේ දී ශාන්ත තෝමස් කණ්ඩායම විශිෂ්ට ප්රවේශයක් සහිතවය. පන්දු ඕවර 26ක් තුළ ශාන්ත තෝමස් ක්රීඩකයෝ ලකුණු 97ක් රැස් කරගෙන සිටිති. එක් කඩුල්ලක් පමණක් දැවී ගොස් ඇත.
ලකුණු 13කට ශාන්ත තෝමස් පිතිකරු සේනාධි බුලන්කුලම දැවී ගොස් ඇත. නායක සිනෙත් ජයවර්ධනගේ පන්දුවක් හමුවේ රෙහාන් පීරිස් රැකගත් උඩපන්දුවකින් සේනාධි බුලන්කුලම දැවී යන්නේය.
එහෙත් ශාන්ත තෝමස් පිලේ ආරම්භක පිතිකරු සදෙව් සොයිසා විශිෂ්ට ඉනිමක් ක්රීඩා කරමිනි. ඔහු හතරේ පහර 10ක් සමග පන්දු 89ක දි ලකුනු 66ක් ලබාගෙනය. ඔහු සමග නොදැවී ක්රීඩා කරන්නේ දිනෙත් ගුණවර්ධනය. දිනෙත් හතරේ පහර 2ක් සමග ලකුණු 10ක් ලබාගෙනය.
රාජකීය කණ්ඩායම මෙහෙයවන්නේ ශ්රි ලංකා 19න් පහළ කණ්ඩායමත් මෙහෙයවන ලද ජාත්යාන්තර අත්දැකීම් සහිත ක්රීඩක සිනෙත් ජයවර්ධනය.
සිනෙත් ගේ නායකත්වයෙන් යුතු කණ්ඩායම රෙහාන් පීරිස්, ඉසුල ගිගනගේ, ඔවින අඹන්පොල. යසිඳු දිසානායක, රමිඳු පෙරේරා, නෙත්වින් ධර්මරත්න, බුලන් වීරතුංග, දිනුර සේනාරත්න, රනුක මලවිආරච්චි, යෙනුල මේසත් ගෙන් සමන්විතය.
ශාන්ත තෝමස් කණ්ඩායමේ නායක මහිත් පෙරේරාය. සදෙව් සොයිසා, සේනාධි බුලංකුලම, තිසෙන් ඇහැලියගොඩ, දිනෙත් ගුණවර්ධන නායක මහිත් පෙරේරා, නේතන් කල්දේරා, ඩේරියන් ඩියේගෝ, ආකාශ් ප්රනාන්දු, අශේන් පෙරේරා, කමිඳු ඩයස් අභීත් පරණවිතාන ශාන්ත තෝමස් කණ්ඩායම නියෝජනය කරති.
