ශ්රියානි විජේසිංහ –
සෞඛ්ය කාර්ය මණ්ඩලය සඳහා ආර්ථික යුක්තිය සාධාරණත්වය ඉටුකිරීමට බල කරමින් අඛණ්ඩ වෘත්තීය ක්රියාමාර්ගයක් වෙත අවතීර්ණ වීමට අද රැස්වූ සෞඛ්ය වෘත්තීය සමිති සන්ධානයේ මහ සභාව ඒකමතික තීරණ කර ඇත.
ඒ අනුව එළඹෙන අගහරුවාදා (16) උදෑසන 6.30 සිට සංකේත වර්ජනයකින් විරෝධතාව ආරම්භ කර අඛණ්ඩ වැඩ වර්ජනයක් දක්වා තම සටන ගෙන යන බව සෞඛ්ය වෘත්තීය සමිති සන්ධානයේ කැඳවුම්කරු රවී කුමුදේශ් පවසා සිටියි.
මෙම වැඩවර්ජනය සදහා හෙද සේවාව ඇතුලු පරිපූරක වෛද්ය සේවාවට අයත් වෛද්ය රසායනාගාර, විද්යාඥ, විකිරණ විද්යා තාක්ෂණවේදීන්, භෞත චිකිත්සකයින්, වෘත්තිය චිකිත්සකයින්, ඖෂධවේදීන්, වාග් චිකිත්සකයින්, විකිරණ ප්රතිකාරවේදීන්, ශ්රවනවේදීන් ඇතුළත් වනු ඇති බවද පැවසේ.
තවද අතුරු වෛද්ය සේවාවට අයත් වෘත්තීය සමිති සෞඛ්ය පරිපාලන සේවය , ආහාර හා ඖෂධ පරික්ෂකවරුන්, සෞඛ්ය කළමණාකරණ සහකාර ඇතුළු සෞඛ්ය ක්ෂේත්ර යේ වෛද්යවරුන් හැරුණු කොට අනෙකුත් සියලුම වෘත්තිය සමිති මෙම වැඩවර්ජනය සම්බන්ධ වන බව රවී කුමුදේශ් පැවසුවේය.
සෞඛ්ය ක්ෂේත්රෙය් වෘත්තීය සමිති 100ට අධික සංඛ්යාවක් මේ වන විටත් සහයෝගය පලකරමින් වර්ජනය සම්බන්ධ වීමට සිය කැමැත්ත පල කර ඇත.
වෛද්යවරුන්ට ලබා දුන් රුපියල් 35000 DAT දීමනාව සෞඛ්ය ක්ෂේත්රයේ අනෙකුත් වෘත්තීන්ටද ලබා දෙන මෙන් ඉල්ලා මෙම වැඩ වර්ජනය ආරම්භ කරනු ලැබේ.
