පහ ශ්රේණියේ ශිෂ්යත්ව විභාගය යනු වයස අවුරුදු 10කට අඩු කුඩා දරුවන්ට, ඔවුන්ගේ මානසික පරිසරයට පමණක් නොව එම දරු දැරියන්ගේ දෙමව්පියන්ටත් අතිශය සංවේදී වන ගැටලුවක් බැවින් එම විභාගය පිළිබඳව මේ වනවිට පැන නැගී ඇති ගැටලුව කිසිම දරුවෙකුට අසාධාරණයක් හෝ අමතර පීඩනයක් ඇති නොකරන ආකාරයට විද්යාත්මක විසඳුමක් ලබා දීමට නියත වශයෙන්ම පොරොන්දුවන බව අගමැති හරිනි අමරසූරිය පවසයි.
අගමැතිවරිය අධ්යාපන අමාත්යාංශයේ නිලධාරීන් හමුවී කළ සාකච්ඡාවකින් පසු ඉදිරි ගත යුතු ක්රියාමාර්ග පිළිබඳව තීන්දු සහිතව අද උදෑසන රට අමතා පැවසුවේ මේ වනවිට දේශීය විදේශීය ඇගයීම් පිලිබඳ විශේෂඥයින්ගෙන් යුතු මණ්ඩලයක් මගින් තත්ත්වය ඇගයීමකට ලක් කරන බවය.
ඉතාම ඉක්මනින් එම ඇගයීම් කමිටුවේ නිර්දේශ ලබාගෙන දරුවන් වෙනුවෙන් ගත හැකි ඉතාම සාධාරණ විසඳුම කඩිනමින් ගන්නා බව කී අගමැතිවරිය වැඩිහිටියන් ලෙස මෙම ගැටලුව සම්බන්ධව සංවාදයක් ගොඩනගද්දි දරුවන්ගේ මානසික පරිසරය සම්බන්ධව සංවේදි වන ලෙස ද ඉල්ලා සිටියාය.
සිද්ධියට සම්බන්ධව සැකකරුවන් අපරාධ පරීක්ෂණ දෙපාර්තමේන්තුව විසින් අත් අඩංගුවට ගෙන ඇති බව කී ඇගමැතිවරිය ඉදිරි විමර්ශන කටයුතු අභ්යන්තරවත් අපරාධ පරීක්ෂණ දෙපාර්තමේන්තුව මගිනුත් සිදුවන බව පැවසුවාය.
